Psalmen 63

Een velangen no Jemeenschoft met Gott

1Een Psalm von David, aus hee en Juda en de Wiltnis wia. #1Sam 22,5 2Oo Gott, du best mien Gott, dän ekj sieekj. Miene Seel darscht no die; mien Kjarpa haft een velangen no die, soo aus utjedrieejdet Launt no Wota haft. #Psa 42,3 3Ekj sach die em Heilichtum, un hab diene Krauft un Harlichkjeit jeseenen. 4Wiels diene Leeftolichkjeit bäta es aus Läwen, woaren miene Leppen die veharlichen. 5Ekj woa die lowen soo lang aus ekj läw; un en dienen Nomen woa ekj miene Henj opphäwen.

6Miene Seel woat soo tofräd sennen aus wan met Moakjt un Fat sautjemoakt, un sinjent woa ekj die lowen. 7Wan ekj to Bad go, denkj ekj aun die, un wan ekj de Nacht waka ligj, denkj ekj aun die. #Jes 26,9 8Wiels du mien Helpa best, sinj ekj em Schauten unja diene Flichten. #Psa 17,8 9Miene Seel henjt aun die; diene rajchte Haunt helt mie opprajcht.

10Dee, dee mie nom Läwen stonen, woaren omkomen un woaren deep unjare Ieed nunja foaren, wua de Doodes sent. 11Dee woaren hanjejäft woaren, derch daut Schwieet to faulen, un Fooda sennen fa de wille Hunj. 12Oba de Kjennich woat sikj en Gott freien. Wäa Gott sienen Nomen aunroopt, woat am lowen; de Läajna oba woat daut Mul jestopt woaren.

Currently Selected:

Psalmen 63: PB

Highlight

Compare

Copy