Psalmen 62

Ru eensich bie Gott

1Een Psalm von David fa Jedutun, väatosinjen. 2Miene Seel finjt äare Ru eensich en Gott; miene Radunk kjemt von am. #Jes 30,15 3Eensich hee es mien Steentorm un miene Radunk, dee mie secha helt, daut ekj nich faulen woa. #Psa 18,3 4Woo lang well jie aulatoop eenen Maun nostonen am omtobrinjen, dee aul soo es aus eene länende Waunt ooda een doljebroakna Tun? 5See räakjnen gaunz doamet am von sienen huagen Plauz rauf to steeten. See haben äare Lost aum lieejen. Met äa Mul säajnen see, oba em Hoat flieekjen see.

6Miene Seel finjt äare Ru eensich en Gott, wiels daut wuaropp ekj hop, kjemt von am. 7Eensich hee es mien Steentorm un miene Radunk, dee mie secha helt daut ekj nich stolpren woa. 8Miene Radunk un miene Iea komen von Gott. Hee es mien jewaultja Steentorm; Gott es miene Tooflucht. 9Sat june Hopninj emma opp am, leewe Lied. Schett jun Hoat ver am ut, wiels Gott es onse Tooflucht.

10Met de Menschen es daut nuscht. Auf groot ooda kjlien, dee wäajen aulatoop weinja aus nuscht, eendoont wooväl doa sent. 11Velot junt nich opp Jewault, un siet nich stolt met jestolnet goot. Wan jie rikj woaren, henjt jun Hoat nich doaraun. #Mat 19,22; Luk 12,15-21; 1Tim 6,9.17 12Ekj hab Gott hieet sajen, un mea aus eemol: Aule Krauft kjemt von mie. 13Un du, oo Har, best truhoatich leeftolich un leenst een jiedrem, doano aus siene Woakjen jewast sent. #Reema 2,6-11

Currently Selected:

Psalmen 62: PB

Highlight

Compare

Copy