Psalmen 61
61
Bie Gott en Schutz
1Een Psalm von David, väatosinjen met Seidenspell. 2Gott horch woo ekj schrie, un auntwuat opp mien Jebäd! 3Von doa wua ekj oppe Ieed sie, woa ekj die aunroopen, wan mien Hoat en mie vezoacht es; nemm mie no dän Steen, dee doa hecha es aus ekj. 4Wiels du best miene Tooflucht, mien stoakja Torm jäajen miene Fiend. #Psa 71,3; Spr 18,10 5Ekj hab daut velangen eewich bie die to wonen un unja diene Flichten secha to sennen. #Psa 17,8 6Wiels du, Gott, hast jehieet, waut ekj vesproaken hab, un du hast mie daut Oafgoot jejäft, daut du fa dee hast dee dienen Nomen ferchten.
7Jeff dän Kjennich een langet Läwen un noch väle, väle Joaren. #Psa 21,5 8Mucht hee eewich opp däm Troon ver Gott bliewen. Sie to am truhoatich un leeftolich, daut et am secha helt. #2Sam 7,16 9Dan woa ekj eewich met Leeda dienen Nomen lowen, daut ekj däachlich doo, waut ekj vesproaken hab.
Currently Selected:
Psalmen 61: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
