Psalmen 58

Gott sorcht fa Jerajchtichkjeit oppe Ieed

1Een goldnet Jeschenkj von David, väatosinjen, daut hee nich omkjeem. 2Well jie Rechta werkjlich räden waut rajcht es? Doo jie de Menschen opprechtich rechten? #(2 un 3) Psa 82,2-4 3Nä, em Hoat plon jie ojjerajcht to sennen em Launt, un gonen doaropp loos met june Henj Jewault ut to eewen opp de Ieed. 4De gottloose sent von Jeburt aun vekjieet; dee gonen von Muttalief aun opp Errwäaj un räden Läajes. 5Äa Jeft es aus Schlangenjeft, soo aus eene doowe Ottaschlang, dee sikj haft de Uaren toojestopt, 6daut see dän Zaubra siene Stemm nich hieren kaun, eendoont woo jeschekjt dee schmeichlen kaun.

7Gott, bräakj dän de Tänen em Mul twei; riet de junge Leiws de Väatänen ut de Frät. 8Lot dee veschwinjen, soo aus ranendet Wota. Wan see äare Boages utrakjen toom scheeten, dan lot äare Feilen onen Spetzkjap sennen. 9Lot dee vegonen, soo aus eene Goadenschnigj biem krupen veschmelt; soo aus wan een Kjint doot jebuaren woat, daut et de Sonn nich to seenen kjricht. 10Ea june Stachels aum Stachelstruck riep woaren, auf dee jreen ooda drieech sent, woaren de gottloose wajch jefäacht woaren.

11De jerajchte woaren sikj freien, wan dee soone Rach seenen, un woaren sikj de Feet en de gottloose äa Bloot boden. 12Dan woaren de Menschen sajen: De jerajchte woaren bestemt äaren Loon kjrieen; doa es bestemt noch een Gott, dee de Ieed rechten deit.

Currently Selected:

Psalmen 58: PB

Highlight

Compare

Copy