Psalmen 56
56
Vetruen un nich ferchten
1Een goldnet Jeschenkj von David, aus de Filista am en Gat faustjenomen hauden; väatosinjen, no de Wies: Eene stomme Duw mank de framde. #1Sam 21,11-16 2Hab Metleet met mie, oo Gott, wiels Menschen bekjamfen un ploagen mie däachlich. 3Miene Fiend sent mie emma hinjaraun. Doa sent väle, dee mie en äa Stolt aunjriepen. 4Un wan mie angst woat, velot ekj mie opp die. 5Ekj well Gott sien Wuat lowen; en Gott hab ekj mien vetruen, un woa mie nich ferchten. Waut kaun een stoaflicha Mensch mie aundoonen? #Psa 27,1; 118,6; Jes 12,2; 51,12; Mat 10,28
6Dän dachäwa vedreien see waut ekj saj un plonen woo see mie kjennen beeset toosaten. 7See stonen sikj toop, see vestäakjen sikj, see paussen opp wua ekj go, wan see opp de Lua ligjen, mie daut Läwen to nämen. 8Sullen dee met äare Sinden wajchkomen? Oo Gott, steet dee Menschen en dienen Oaja en de Grunt.
9Hool Räakjnunk von miene Fluchtwäaj; saumel miene Tronen en dien Kruckje. Hast du dee nich opp diene Räakjnunk? 10Wan ekj die aunroop om Help, motten miene Fiend trigjaun gonen. Daut weet ekj, daut Gott opp miene Sied es. 11Ekj well Gott sien Wuat lowen; ekj well dän Harn sien Wuat lowen. 12Ekj hab mien vetruen en Gott; ekj woa mie nich ferchten; waut kjennen Menschen mie aundoonen?
13Gott, ekj hab die een Dankopfa vesproaken, un ekj woa die daut brinjen. 14Du hast miene Seel vom Doot jerat, un mie opp de Feet jehoolen, daut ekj nich foll, un daut ekj ver Gott met de Läwendje em Licht waundlen kaun. #Hiob 33,30
Currently Selected:
Psalmen 56: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
