Psalmen 54
54
Dän vefoljden sien Roop no Help
1Unjarecht von David, met Seidenspell väatosinjen, 2aus dee von Sif no Saul kjeemen un säden: David haft sikj bie ons vestoaken. #1Sam 23,19; 26,1 3Gott, rad mie derch dienen Nomen, un rajchtfoadj mie derch diene Jewault. 4Hia mien Jebäd, oo Gott, un horch waut ekj to sajen hab. 5Wiels stolte haben sikj jäajen mie jesat, un dee, dee Jewault eewen, stonen mie nom Läwen, Menschen, dee nich met Gott räakjnen.
6Oba seet mau, Gott steit mie bie, de Har helt miene Seel opprajcht. 7Hee woat miene Fiend fa äare Sinden trigjtolen. Wiels du tru best, brinj dee äwatsied! 8Ekj woa die met Freid een Opfa brinjen. Ekj woa dienen Nomen lowen, oo Har, wiels du soo goot best. 9Wiels du hast mie ut aul miene Noot jeholpen, un miene Uagen hauden äare Lost doaraun, to seenen woo miene Fiend vespälden.
Currently Selected:
Psalmen 54: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
