Psalmen 53
53
Kjeen Gott?
(Psa 14,1)
1Unjarecht von David, em Kua no Mahalat siene Wies väatosinjen. 2Een Noa sajcht sikj em Hoat: Daut jeft kjeen Gott. Dee sent niedatrajchtich, dee gonen oppscheiselje Wäaj, doa es nich eena dee doa goodet deit. 3Gott kjikjt vom Himmel rauf no de Menschenkjinja, to seenen auf doa noch irjentwäa kluak es un no Gott frajcht. 4Oba dee sent aula aufjefollen un daugen aulatoop nuscht; doa es kjeena dee doa goodet deit, uk nich eena.
5Woaren de onjehuarsome niemols to Vestaunt komen, dee mien Volkj oppfräten aus wan daut Broot es, un dee Gott nich aunbäden? 6Doa wieren see en soone groote Angst aus nie verhäa. Gott brinjt dee äwatsied, dee die aunjriepen; du hast an toschaund jemoakt, wiels Gott an vestat haft. 7Oo daut Israel äare Radunk ut Zion komen mucht! Wan Gott sien faustjenomnet Volkj trigjbrinjen woat, saul Jakob sikj freien un Israel froo sennen.
Currently Selected:
Psalmen 53: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
