Psalmen 52
52
De jewaultja rikja un sien Enj
1Unjarecht von David, väatosinjen, 2von don aus Doeg de Edomita kjeem un Saul daut säd daut David bie Ahimelech em Hus wia. #1Sam 22,9-19 3Wuarom puchst du, du jewaultja, met dien väahaben? Gott blift eewich tru. 4Diene Tung plont en de Grunt to brinjen; dee schnitt, soo aus met een schoapet Schäamassa, du schmeichla. 5Du hast daut beese leewa aus daut goode, un rätst leewa Läajes aus Woarheit. 6Du rätst jieren Wieed, dee toom vedoawen deenen, du hinjat Licht fierende Tung.
7Doawäajen woat Gott die opp eewich en de Grunt brinjen. Hee woat die to hoolen kjrieen un ut diene Woninj schlapen, un die ut de Läwendje äa Launt utroden. 8De jerajchte woaren daut seenen un sikj ferchten; dee woaren äwa am lachen, un sajen: #(8 un 9) Psa 91,8 9Hia es dee Maun nu, dee sikj nich opp Gott siene Krauft veleet, oba sien vetruen en sien grootet Rikjtum sad, un doaderch stoakj wort, daut hee aundre en de Grunt brocht.
10Ekj oba woa soo bliewen aus een jreena Oliewenboom en Gott sien Hus; ekj velot mie emma un eewich opp Gott siene truhoatje Leew. #Psa 92,13-16 11Ekj well die eewich doafäa danken waut du jedonen hast, wiels dien Nomen es goot. Ekj woa die ver aul diene heilje lowen.
Currently Selected:
Psalmen 52: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
