Psalmen 51

Jebäd fa Vejäwunk von de Sindenschult

1Eent von David siene Psalmen, väatosinjen, 2jeschräwen aus de Profeet Natan no am kjeem, aus hee sikj met Batseba aufjejäft haud. #2Sam 12,1-15 3Gott, lot diene Jnod äwa mie soo groot sennen aus diene truhoatje Leew es; doano aus dien Jaumahoat groot es, reinj mie von miene Sinden. #Luk 18,13 4Wausch mie utem Grunt, daut ekj nich orrajcht go, un reinj mie von miene Sind. 5Ekj see miene Veschuldjunk en, un miene Sind steit emma ver mie. #Psa 32,5 6Jäajen die, un eensich die, hab ekj jesindicht, un dit beese jedonen. Du hast daut aula jeseenen, du best doarenn rajcht waut du sajchst, un deist jerajcht rechten. #Reema 3,4 7De Sind wia en mie aus ekj em Muttalief aunsad, un wia en mie aus ekj jebuaren wia. #Joh 3,6 8Secha velangst du ennalich opprechtich to sennen; un dise Weisheit moakst du mie deep em Hoaten kloa.

9Reinj mie met Iessopp, dan woa ekj rein sennen; wausch mie, dan woa ekj witta sennen aus Schnee; #2Mo 12,22-23; Jes 1,8 10daut ekj mie kaun freien un froo sennen; daut mien vebroakna Kjarpa sikj wada freien kaun. #Psa 32,3-4 11Kjikj wajch, daut du miene Sind nich sitst; wesch aulet beese ut mie rut. 12Schauf en mie een reinet Hoat, oo Gott, un jeff mie eenen nieen fauststonenden Jeist. #Hes 36,26-27; Mat 5,8 13Steet mie nich ut diene Jäajenwuat, un nemm mie dienen Heiljen Jeist nich wajch. 14Doo mie de Freid en diene Radunk wada häastalen, un jeff mie eenen Jeist, dee die jehorchen well. 15Dan woa ekj de Äwaträda diene Wäaj lieren, un Sinda woaren sikj no die dreien.

16Moak mie von miene Blootschulden frie, oo Gott, du mien Gott un Heilant; dan woa ekj von diene Jerajchtichkjeit sinjen. 17Oo Har, bewäaj miene Leppen, dan woat mien Mul die to ieren lowen. 18Du hast kjeen Jefaulen aun Opfa ooda Brauntopfa, sest wudd ekj die dee brinjen. #Psa 40,7 19Daut Opfa, daut Gott jefelt, es een jebroakna Jeist; een veenjstet, jebroaknet Hoat woascht du, oo Gott, nich veachten. #Psa 34,19

20En diene Jnod, doo Zion goodet; bu de Waunt om Jerusalem. 21Dan woaren de jerajchte äare Brauntopfa jebrocht woaren, uk gaunze Brauntopfa dee die jefaulen; dan woaren Bolles opp dien Aultoa jeopfat woaren.

Currently Selected:

Psalmen 51: PB

Highlight

Compare

Copy