Psalmen 48
48
Däm grooten Kjennich siene Staut
1Een Psalmleet von Korach siene Säns. 2De Har es groot un woat sea jeloft en Gott siene Staut, opp sien heiljen Boajch. #Psa 46,5-6 3De heilja Boajch, huach un scheen, to dän de gaunze Welt sikj freit, es de Boajch Zion, dän grooten Kjennich siene Staut. #Kloag 2,15; Mat 5,35 4Gott es en äare Paulausten bekaunt aus eena, bie däm wie secha sent.
5Aus de Kjennichs sikj toopschlooten un aulatoop verwoats jinjen, #2Kjen 18,17-18 6sagen see de Staut un staunden doaräwa un randen ut Angst doavon. 7An äwakjeem eene Angst, daut see zettaden, un soone Weedoag, aus eene Fru bie de Jeburt haft, 8soo aus wan du de Schäp von Tarsis derch een Oostwint vebrakjst.
9Soo aus wie jehieet haben, soo hab wie daut en dän aulmajchtjen Har siene Staut uk jeseenen; Gott moakt dee eewich secha.
10Wie haben medden en dien Tempel doaraun jedocht, oo Gott, woo leeftolich du best. 11Soo aus dien Nomen, oo Gott, soo woascht du selfst äwa de gaunze Welt jeloft; diene rajchte Haunt es voll Jerajchtichkjeit. #Mal 1,11 12Lot dän Boajch Zion froo sennen; lot Juda äare Dajchta sikj doatoo freien, woo du rechten deist.
13Moakt junt emol äwahäa un got runtom Zion un talt wooväl Torms doa sent. 14Paust goot opp no äare Stautswenj, got derch äare Paulausten, daut jie doavon to june Nokomen räden kjennen, 15un an sajen kjennen, daut dee Gott, dee ons dit aula jejäft haft, es ons Gott, dee ons emma un eewich biestonen woat. #Jes 25,9
Currently Selected:
Psalmen 48: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
