Psalmen 47
47
Gott es Kjennich äwa aule Velkja
1Een Psalm von Korach siene Säns, väatosinjen. 2Klautscht met de Henj, aule Velkja, jucht ut Freid to onsen Gott! 3Wiels de Har, dee aules rejieet, es heilich. Hee es een groota Kjennich äwa de gaunze Welt. 4De Menschen om ons haft hee ons unjadon jemoakt un de Velkja unja onse Feet jelajcht. 5Hee jeef ons Jakob sien wundascheenet Launt aus Oafgoot, daut hee Jakob jejäft haud, wiels hee am goot wia. #5Mo 32,9
6Gott de Har es met jublen un met Trompeetenschaul nopp jefoaren. 7Sinjt un loft Gott, sinjt un loft; sinjt un loft onsen Kjennich, sinjt un loft! 8Gott es Kjennich äwa de gaunze Welt; sinjt een Psalm, dee am loft. #Psa 93,1
9Gott rejieet äwa de Velkja; Gott sett opp sien heiljen Troon. 10De Leida von de Velkja sent toopjekomen, aus daut Volkj von Abraham sienen Gott, wiels de groote Mana en de Welt jehieren Gott; hee es huach erhowen.
Currently Selected:
Psalmen 47: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
