Psalmen 41

Een kranka sien Jebäd

1Eent von David siene Psalmen, väatosinjen. 2Jesäajent es, wäa sikj de schwake un oame aunnemt! Däm woat de Har raden wan hee en Trubbel es. #Spr 14,21; Mat 5,7 3Däm woat de Har bewoaren un aum läwen hoolen, un dee woat oppe Ieed jesäajent sennen, un du woascht am nich en de Fiend äaren Wellen jäwen. 4De Har woat am opp sien Krankenbad stoakjen; du halpst am von siene Krankheit loos. 5Ekj säd: Har, hab Metleet met mie, heel miene Seel, wiels ekj hab jäajen die jesindicht. 6Miene Fiend räden schlajchtet äwa mie un sajen: Wanea woat dee stoawen un vejäten woaren? 7See komen mie besieekjen oba meenen daut nich von Hoaten; see sieekjen bloos no waut, wua äwa to lastren, un gonen rut un vebreeden äare Läajes. 8Dee mie nich lieden kjennen, komen toop un fuschlen jäajen mie un stalen sikj daut oajchste von mie väa. 9See sajen: Eene Krankheit, dee toom Doot fieet, haft am jetroffen. Wäa soo dol licht, woat niemols mea oppstonen. 10Soogoa mien gooda Frint, en dän ekj vetruen haud, dee mien Broot eet, klunjt opp mie met de Feet. #Psa 55,13-15; Joh 13,18; Apost 1,16 11Oba du, Har, hab Metleet met mie un recht mie opp, daut ekj dee trigjtolen kaun.

12Doaraun woa ekj weeten, daut du een Jefaulen aun mie hast, wiels mien Fient woat mie nich unjakjrieen. 13Mie oba halpst du, wiels ekj fromm bliew, un du stalst mie eewich ver die.

14Loft däm Harn, Israel äaren Gott, von Eewichkjeit bat en aule Eewichkjeit! Amen un Amen.

Currently Selected:

Psalmen 41: PB

Highlight

Copy

Compare