Psalmen 39

Gott, wies mie, woo kort mien Läwen es

1David sien Psalm fa Jedutun väatosinjen. #1Chr 25,1.3 2Ekj säd: Ekj hab mie väajenomen doano to seenen, daut ekj met miene Tung nich sindjen woa. Ekj woa mie een Toom opplajen, soolang aus de gottloose rom mie sent. 3Oba aus ekj stomm un stell wia un Fräd hilt, un nich emol waut goodet säd, wort miene Kwol bloos jrata. #Psa 38,14 4Mien Hoat en mie wort heet; wan ekj doaräwa nodocht, brend daut aus Fia. Dan funk ekj aun to räden.

5Oo Har, lia mie daut doch, daut et met mie een Enj nämen mott, un woo lang ekj noch to läwen hab, un daut ekj doavon mott. #Hiob 14,5; Psa 90,12 6Kjikj emol, miene Doag sent ver die mau soo aus eene Hauntbreet. Mien Läwen es aus nuscht ver die. Woo goa nuscht es daut doch met aule Menschen, dee no äare Meenunk secha läwen. #Psa 90,5-6 7De Menschen gonen aula rom aus eene Figua; see moaken sikj väl Orru wua nuscht rut kjemt, see saumlen Rikjtum, oba weeten nich, wäa daut kjrieen woat. #Psa 49,17-21; Liera 2,18.21; Luk 12,15-21

8Oba nu, Har, no waut saul ekj luaren? Ekj velot mie opp die. 9Moak mie frie von aul miene Sinden, un lot mie nich fa de Noaren een Spott woaren. 10Ekj woa stell sennen un mien Mul nich opmoaken, wiels daut best du, dee dit äwa mie jebrocht haft. 11Nemm diene Ploag von mie wajch, wiels ekj kom om unja diene Haunt. 12Wan du wäm wäajen siene Sinden strofst, dan lat daut siene Scheenheit, aus von de Motten vefräten. Woo es daut met aule Menschen doch soo rajcht nuscht!

13Hia mien Jebäd, oo Har, un horch wan ekj schrie, un sie nich stell wan du miene Tronen sitst; wiels ekj sie dien derchreisenda Gaust, soo aus aul miene Staumvodasch wieren. 14Kjikj wajch von mie, daut ekj noch emol kunn stoakj un froo woaren, ea ekj von hia wajch mott un nich mea sie.

Currently Selected:

Psalmen 39: PB

Highlight

Compare

Copy