Psalmen 32

Freid daut de Schult vejäft es

1David jeft Unjarecht. Jesäajent sent dee Menschen, dän äa Vegonen vejäft es, un dän äare Sinden bedakjt sent. #(1 un 2) Reema 4,6-8 2Jesäajent sent dee Menschen, dän de Har de Schult nich aunräajent, un dee en äaren Jeist gaunz opprechtich sent.

3Aus ekj miene Sind stelhoolen wull, ständ ekj dän dachäwa doarunja, daut ekj schia omkjeem. 4Dach un Nacht drekjt mie diene schwoare Haunt; miene Krauft veschwunk mie aus en de Sommahett 5Dan bekjand ekj die miene Sind, un dakjt kjeen orrajcht mea too. Ekj säd: Ekj well dän Harn mien Vegonen bekjanen, un dan vejeefst du mie miene Sindenschult. #Psa 38,19; Spr 28,13; Jes 38,17; Jak 5,16

6Doawäajen woaren aule heilje to die bäden soo lang aus du to finjen best, un wan dan een Huachwota kjemt, woat an daut nich dicht bie komen. 7Bie die kaun ekj mie vestäakjen; du woascht mie fa Trubbel bewoaren, daut ekj die lowen kaun, daut du mie jerat hast. 8Ekj woa die unjarechten un die dän Wajch wiesen dän du gonen saust; ekj woa die Rot jäwen un die em Uag hoolen. 9Siet nich soo aus Pieed un Multieren, dee nuscht vestonen, dee eena oppteemen mott, om dee bie sikj to hoolen.

10De gottloosa haft väl Ploagen, oba dän Harn siene truhoatje Leew es om dee, dee sikj opp am veloten. 11Siet froo em Harn un freit junt, jie jerajchte, un sinjt met Freid, aul jie dee von Hoaten opprechtich sent.

Currently Selected:

Psalmen 32: PB

Highlight

Copy

Compare