Psalmen 33

Dee de Welt jeschaufen haft, beschizt sien Volkj

1Freit junt em Harn, oo jie jerajchte! De fromme sellen am lowen. 2Loft dän Harn met Hoapenspell un spält am eene Mellodie opp eene Hoap met tieen Seiden. 3Sinjt fa am een nieet Leet; spält scheen un schriet ut Freiden. #Psa 40,4; 96,1; 98,1; 144,9; 149,1; Jes 42,10; Opb 5,9 4Wiels wautemma Gott sajcht, es rajcht, un wautemma hee deit, doaropp kjenn wie ons veloten. 5Hee jleicht daut rajchte Jerecht un jerajcht sennen; Gott siene truhoatje Leew es äwa de gaunze Ieed.

6Derch dän Harn sien Wuat worden de Himmel häajestalt, un aules waut doatoo jehieet, derch daut, waut hee jerät haft. #1Mo 1,6.14 7Hee saumeld aulet Mäawota opp eene Städ, un helt väl Wota en siene Zistasch. #Psa 104,9 8Lot de gaunze Welt dän Harn ferchten; lot aules waut en de Welt wont am huach achten. 9Wiels hee räd, un soo wia daut uk doa; hee jeef sienen Befäl, un soo stunt daut faust. #Psa 148,5 10De Har moakt de Velkja äaren Rot to nuscht, un moakt de Menschen äare Plons, daut dee nuscht utrechten. 11Oba dän Harn sien Rot blift eewich stonen, un waut hee em Hoat plont steit eewich. 12Jesäajent es daut Volkj, daut Gott aus äaren Harn haft, dee Menschen, dee hee sikj aus sien Oafgoot jewält haft! #5Mo 33,29 13De Har kjikjt vom Himmel rauf un sitt aule Menschenkjinja. 14Von doa wua hee opp sienen Troon sett, sitt hee aule, dee opp de Ieed wonen. 15Hee lenkjt an aula daut Hoat, un beoobacht aules waut see doonen. 16Een Kjennich woat nich derch siene groote Armee jerat; een Ries woat nich derch siene groote Krauft jerat. #1Sam 17,1-58 17Pieed halpen uk nuscht, un äare groote Krauft kaun nich raden. #Psa 20,8 18Oba de Har helt dee em Uag, dee am ferchten, dee met siene truhoatje Leew räakjnen, 19daut hee äare Seelen vom Doot raden woat un an en de Hungaschnoot aum läwen hoolen woat.

20Onse Seel räakjent met dän Harn; hee es onse Help un ons Schilt. 21Ons Hoat freit sikj en am, wiels wie ons opp sienen heiljen Nomen veloten. 22Lot diene truhoatje Leew doano äwa ons sennen, aus wie onse Hopninj opp die saten.

Currently Selected:

Psalmen 33: PB

Highlight

Copy

Compare