Psalmen 29

Gott siene Harlichkjeit em Jewitta

1Eent von David siene Psalmen. Brinjt dän Harn, jie jewaultje, brinjt dän Harn Iea un Krauft. #Psa 103,20-21 2Jäft dän Harn de Iea, dee sienen Nomen traft. Komt heilich un straum, dän Harn auntobäden. 3Dän Harn siene Stemm es äwa aulet Wota; de harlicha Gott rummelt, de Har, äwa de groote Wotasch. 4Dän Harn siene Stemm jeit met Macht; dän Harn siene Stemm jeit harlich. 5Dän Harn siene Stemm vebrakjt de Zeeda; de Har brakjt de Zeeda von Libanon en Stekja. 6Hee moakt dän Libanon sprinjen soo aus een Kaulf, un Hermon soo aus een jungen willen Boll. #5Mo 3,8-9 7Däm Harn siene Stemm strolt Fiaflaumen. 8Däm Harn siene Stemm scheddat de Wiltnis, de Har scheddat de Kadesch Wiltnis. 9Derch dän Harn siene Stemm schmieten de Reekjieej äare Kjalwa, un dee streept en de Welda de Bläda von de Beem; un en sienen Tempel schricht aulemaun: Gott auleen sie jeieet!

10De Har sett opp däm Troon äwa de Äwaschwamunk; de Har es opp emma aus Kjennich jekjreent. 11De Har woat sien Volkj Krauft jäwen! De Har woat sien Volkj met Fräd säajnen.

Currently Selected:

Psalmen 29: PB

Highlight

Copy

Compare