Psalmen 28

Help, wan eena hoat jedreift woat

1Eent von David siene Psalmen. Ekj roop die, oo Har, mien Toofluchtsteen; drei mie nich een doowet Ua han. Wiels wan du stell blifst, woa ekj soo sennen aus dee, dee aul em Grauf ligjen. 2Hia mie om Jnod prachren, wan ekj no Help schrie, wan ekj miene Henj opphäw no dien Aulaheilichstet opptoo. 3Schlap mie nich met de gottloose toop wajch, dee doa beeset väahauden, dee doa frädlich to äare Nobasch räden, oba em Hoat beeset plonen. #2Sam 20,9-10 4Tol an doano aus äare Woakjen sent, un doano aus see beeset väahaben; jeff an doano, waut äare Henj jedonen haben; jeff an waut see vedeent haben. 5Wiels see dän Harn siene Woakjen, un waut siene Henj jedonen haben, nich achten, woat hee dee en de Grunt brinjen un niemols mea oppbuen. #Jes 5,12-13

6Ekj low Gott, wiels Hee haft mien prachren om Metleet jehieet. 7De Har es miene Krauft un mien Schilt; mien Hoat velat sikj opp am, un ekj sie jeholpen; mien Hoat sprinjt fa Freid, un ekj woa am een Dankleet sinjen.

8De Har es sien Volkj äare Krauft, een Radungsuat fa sienen jesaulften Kjennich. 9Oo Har, rad dien Volkj un säajen dien Oafgoot; sie äa Hoad un droag an emma un eewich!

Currently Selected:

Psalmen 28: PB

Highlight

Copy

Compare