Psalmen 26

Daut Jebäd von eenem, dee oschuldich aunjekloacht woat

1Eent von David siene Psalmen. Har, schauf rajcht fa mie, wiels ekj sie oschuldich! Ekj hab mie opp däm Harn veloten un nich jetwiewelt. 2Unjasieekj mie, oo Har, un proow mie ut; unjasieekj mien Hoat un uk miene Jedanken.

3Wiels ekj see emma, woo leeftolich du best, un ekj waundel en diene Woarheit. 4Ekj sett nich met daugeniksje Menschen toop un hab uk nich Jemeenschoft met Heichla. #(4 un 5) Psa 1,1 5Ekj kaun de beese äare Vesaumlunk nich lieden un sett nich met de gottloose toop. 6Ekj wausch miene Henj en Oschult, oo Har, un woa soo runtom dienen Aultoa gonen, #5Mo 21,6-7; Mat 27,24 7wua ekj met dankende Stemm sinj, un wua ekj aul diene Wunda prädj. 8Har, ekj räakjen daut Hus väl, wua du wonst, un dän Plauz, wua diene Iea tus es. #Psa 27,4; 122,1-2

9Nemm miene Seel nich met de Sinda toop wajch un mien Läwen uk nich met dee, dee jieren Bloot vejeeten, 10dee met beese Plons omgonen un jieren Jeschenkja nämen. 11Mien Waundel oba es oschuldich. Rad mie un bewies mie Jnod! 12Miene Feet stonen opp däm jlikjen. Ekj well dän Harn en de Vesaumlungen lowen. #Psa 22,23

Currently Selected:

Psalmen 26: PB

Highlight

Copy

Compare