Psalmen 20
20
Säajenswensch fa däm Kjennich
1Eent von David siene Psalmen, väatosinjen. 2Mucht de Har die auntwuaten wan du en Veläajenheit best; mucht Jakob sien Gott sien Nomen die secha hoolen. #Spr 18,10 3Mucht hee die utem Heilichtum Help schekjen, un die ut Zion biestonen. 4Mucht hee aun aul diene Opfa denkjen, un dien Brauntopfa aunnämen. 5Mucht hee die schenkjen, waut dien Hoat velangt, un aules jelinjen loten, waut du plonst. #Psa 21,3 6Wie woaren äwa diene Radunk jubelieren, un en onsen Gott sienen Nomen onse Flagen huach trakjen. Mucht de Har die aules jäwen, om waut du bäden deist!
7Nu weet ekj, daut de Har sienen Jesaulwden halpt. Hee woat am ut sienen heiljen Himmel derch siene radende Krauft un siene rajchte Haunt auntwuaten. #2Mo 15,6 8Eenje veloten sikj opp äare Woages, eenje opp äare Pieed, oba wie haben ons vetruen opp Gott, onsen Harn. #5Mo 20,1; Psa 33,17; Jes 31,1 9Dee musten sikj bekjen un sent jefollen; wie oba sent oppjestonen un stonen steil.
10 Har, halp du dän Kjennich, un hia ons wan wie roopen!
Currently Selected:
Psalmen 20: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
