Psalmen 19

Gott es groot en däm waut hee jeschaufen haft un en sien Jesaz

1Eent von David siene Psalmen, väatosinjen. 2De Himmel räden kloa von Gott siene Harlichkjeit, un loten ons sien Hauntwoakj seenen. #Reema 1,19-20 3Een Dach rät doavon toom näakjsten Dach, un eene Nacht to de näakjste. 4Daut sent nich räden met Wieed; doa es uk kjeene Stemm to hieren. 5Siene Rajchtschnua jelt en aule Lenda, un sien Wuat äwa de gaunze Welt; un doa haft hee fa de Sonn een Zelt oppjestalt, 6ut daut dee soo rut kjemt aus wan een Briegaum ut siene Stow kjemt, un freit sikj soo aus een stoakja Maun, siene Strakj to ranen. 7Dee jeit aun een Enj vom Himmel opp, un jeit rom bat daut aundre Enj, un fa äare Hett kaun sikj nuscht vestäakjen.

8Dän Harn sien Jesaz es volkomen un jeft de Seel nieet Läwen. Eena kaun sikj veloten opp daut waut de Har sajcht, un daut moakt dee weis, dee daut fält. 9Dän Harn siene Befäle sent rajcht, un moaken ons Freid em Hoat. Gott siene Jebooten sent rein, un moaken ons de Uagen op. 10Gottesforcht es rein, un woat eewich bestonen. Dän Harn siene Jerechten sent gaunz un goa rajcht un opprechtich. 11Dee sent mea wieet aus Golt, jo, mea aus väl ajchtet Golt, un seeta aus frescha, reina Honnich.

12Un noch mea, dien Kjnajcht woat derch dee uk jewoarnt, un wäa dee hoolen deit haft een grooten Loon. 13Wäa kaun daut moakjen, woo foaken eena fälen deit? Vejeff mie uk dee Sinden von dee ekj nich weet! #Hiob 42,3-6 14Har, bewoa mie uk fa mootwelje Sinden; lot dee nich äare Macht äwa mie haben. Dan woa ekj opprechtich sennen un oschuldich von groote Sinden.

15Muchst du aun de Wieed ut mien Mul, un aun de Jedanken en mien Hoat een Jefaulen haben. Oo Har, en die es miene Krauft, un du radsd mie.

Currently Selected:

Psalmen 19: PB

Highlight

Copy

Compare