Psalmen 148

148

Preist Gott em Himmel un opp de Ieed

1Loft dän Harn! Loft dän Harn vom Himmel! Loft am dort huach bowen! #(1 un 2) Psa 103,20-22 2Loft am, aul jie siene Enjel; loft am, siene gaunze, jewaultjet Häa em Himmel! 3Sonn un Mon, loft am; aul jie schienende Stierns, loft am! #(3-13) 1Mo 1,1-27 4Low am du hechsta Himmel, un jie Wotasch bowa de Himmel! 5Lot dee dän Harn sien Nomen lowen, wiels hee befool, un dee wieren doa. #Psa 33,9 6Hee haft dee opp emma un eewich opp äaren Plauz jestalt. Hee jeef dee een Jesaz, daut dee motten en äare Bon bliewen; un daut woat niemols endren.

7Loft dän Harn opp de Ieed, un aul jie Ojjeheia em deepen Mäa, 8Fia un Hoagel, Schnee un Näwel un stoakja Wint, dee soo doonen aus hee sajcht, 9jie Boaj un aule Humpels, Fruchtbeem un aule Zeeda, 10wille Tieren un aulet Vee, Kruptieren un flieejende Väajel, 11Kjennichs opp de Ieed un aule Velkja, jie väaschte un aule Rechta opp de Ieed, 12junge Mana un Mejales, oole Menschen un Kjinja. 13Lot dee dän Harn sienen Nomen lowen, wiels hee haft dän aulahechsten Nomen. Sien harlich sennen rieekjt soo wiet aus Himmel un Ieed. 14Hee haft sien Volkj stoakj jemoakt, daut am aul siene heilje en Israel lowen; een Volkj daut am aum Hoaten licht. Haleluja! #5Mo 4,7-8

Currently Selected:

Psalmen 148: PB

Highlight

Compare

Copy