Psalmen 149
149
Daut Volkj woat derch Gott veharlicht
1Haleluja! Sinjt een nieet Leet fa dän Harn, am to lowen en de Vesaumlunk von de heilje. #Psa 33,3 2Lot Israel sikj to dän freien, dee an jemoakt haft. Lot aulem von Zion sikj to äaren Kjennich freien. #Psa 100,3; 93,1 3Lot an sienen Nomen lowen met daunzen, un am to ieren, Hoapen un Trompeeten spälen. 4Wiels de Har freit sikj to sien Volkj; hee veharlicht de deemootje derch siene Help.
5Lot de heilje sikj to dise Iea freien, un soogoa em Bad am to ieren sinjen. 6See sellen Gott lowen, un see sellen een dobbelt schniedjet Schwieet en de Henj haben, 7daut see äwa de Velkja Rach eewen, un de Velkja strofen, 8daut see de Velkja äare Kjennichs spaunen un äare Leidasch met iesane Kjäden binjen, 9daut Jerecht uttofieren daut jäajen an jeschräwen es. Dise Iea woaren aul siene heilje haben. Haleluja! #Jes 34,1-17; 63,4-6; Joel 4,2-14
Currently Selected:
Psalmen 149: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
