Psalmen 141

141

Jebäd fa Bewoarunk

1Een Psalm von David. Oo Har, ekj roop: Komm schwind häa! Horch no mie wan ekj die roop. 2Mucht mien Jebäd ver die komen aus een Ruakopfa, un mien henjopphäwen aus een Owentopfa. #2Mo 30,7; 29,39 3Stal een Wajchta äwa mien Mul, oo Har. Woak äwa miene Leppen. #Psa 39,2; Jak 3,5-6 4Lot mien Hoat nich metjeräten woaren, beeset to doonen, un nich met schlajchte toop aun gottloose Woakjen deelnämen; lot mie nich äten, waut an gootschmakjt.

5Lot de jerajchte mie leeftolich strofen un trajchtwiesen; daut es fa mie Eelj opp däm Kopp. Mien Kopp woat daut nich trigjwiesen, un doch es mien Jebäd emma jäajen de beese. #3Mo 19,17; Spr 27,5-6 6Äare Leidasch woaren von de steile Kaunt von de Boaj jeschmäten woaren, un de beese woaren lieren, daut ekj de Woarheit jerät hab. 7Soo aus eena plieecht un de Ieed oppbrakjt, soo sent onse Knoakes ver däm opnen Grauf vestreit. 8Oba miene Uagen kjikjen no die, oo Gott un Har. Ekj velot mie opp die; lot mie nich enne Grunt gonen. 9Bewoa mie fa de Schlenjen, dee see fa mie jelajcht haben, un fa de Faulen, dee de onveschämde fa mie jestalt haben. 10Lot de gottloose en äare ieejne Nats faulen, un mie doa secha vebie gonen.

Currently Selected:

Psalmen 141: PB

Highlight

Compare

Copy