Psalmen 138

138

Dankboare Sechaheit

1Een Psalm von David. Ekj well die, oo Har, von gaunzem Hoaten lowen; soogoa ver de Jetta woa ekj met Leeda lowen. 2Ekj well no dienen heiljen Tempel opptoo aunbäden, un dienen Nomen lowen, daut du soo truhoatich leeftolich best, wiels du hast dien Nomen un dien Wuat äwa aules groot jemoakt. 3Aus ekj die aunroopt, auntwuadsd du mie. Du muakst mie brow un stoakjst miene Seel.

4Muchten die aule Kjennichs oppe Ieed danken, wan see de Wieed ut dien Mul hieren, #Jes 2,3 5un von diene Wäaj, Har, sinjen, wiels diene Iea, Har, es groot. 6Wan du, Har, uk huach bowen best, du kjikjst rauf un sitst de jerinje, un von wiet auf kjanst du de stolte.

7Wan ekj uk medden em Trubbel go, du bewoascht mien Läwen. Du strakjst diene Haunt jäajen miene Fiend äaren Oaja; met diene rajchte Haunt ratst du mie. 8De Har woat daut utrechten, waut hee fa mie jeplont haft. Diene truhoatje Leew, oo Har, haft kjeen Enj. Veschmiet nich waut diene Henj jeschaufen han.

Currently Selected:

Psalmen 138: PB

Highlight

Compare

Copy