Psalmen 137
137
De Kloagen von de Jefangne en Babel
1Wie sauten en Babel aun Riefasch un hielden, wan wie aun Zion dochten. 2Doa aun de Wieden hong wie onse Hoapen opp. 3Dee ons faustjenomen hauden, velangden, daut wie doa sinjen sullen; dee ons tualeiden deeden, velangden Freidenleeda un säden: Sinjt ons een Leet von Zion! 4Woo kjenn wie en een framdet Launt Leeda vom Harn sinjen?
5Wan ekj die vejät, oo Jerusalem, dan mucht miene rajchte Haunt nuzloos sennen un vejäten, waut see doonen kaun. #Jer 51,50 6Mucht mie de Tung em Mul aum Bän baken, wan ekj nich aun die denkj; wan ekj Jerusalem nich lot miene hechste Freid sennen. 7Denkj doaraun, oo Har, waut de Edomita dän Dach deeden aus Jerusalem foll; woo dee schrieejen: Riet dee dol! Riet dee dol bat opp däm Grunt! #Psa 79,12; Oba 10-15
8Du scheene Staut Babel, du woascht en de Grunt jebrocht woaren; goot fa dän dee die trigjtolen, waut du aun ons jedonen hast. 9Goot fa dän, dee diene junge Kjinja faustnemt un aum Steen veschmatat. #Jes 13,16; Reema 12,19
Currently Selected:
Psalmen 137: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
