Psalmen 136
136
Siene Leew hieet niemols opp
1Dankt dän Harn, wiels hee es ons toojedonen; siene truhoatje Leew haft kjeen Enj. #Psa 106,1 2Dankt dän Gott äwa aule Jetta. Siene truhoatje Leew haft kjeen Enj. 3Dankt dän Harn äwa aule Haren. Siene truhoatje Leew haft kjeen Enj.
4Däm, dee auleen groote Wunda deit. Siene truhoatje Leew haft kjeen Enj. 5Däm, dee en siene Weisheit de Himmels jemoakt haft. Siene truhoatje Leew haft kjeen Enj. 6Dee de Ieed äwa de Wota jespreet haft. Siene truhoatje Leew haft kjeen Enj. 7Dee de groote Lichta muak. Siene truhoatje Leew haft kjeen Enj. #(7-9) 1Mo 1,14-18 8De Sonn, dän Dach to rejieren. Siene truhoatje Leew haft kjeen Enj. 9De Mon un de Stierns, de Nacht to rejieren. Siene truhoatje Leew haft kjeen Enj.
10Dee Ägipten äare Ieeschtjebuarne schluach. Siene truhoatje Leew haft kjeen Enj. #(10-16) Psa 135,8-12 11Un Israel rut brocht. Siene truhoatje Leew haft kjeen Enj. 12Derch eene jewaultje Haunt un een utjestrakjten Oarm. Siene truhoatje Leew haft kjeen Enj. 13Dee daut Schelpmäa uteneen deeld. Siene truhoatje Leew haft kjeen Enj. 14Un Israel leet doa derchgonen. Siene truhoatje Leew haft kjeen Enj. 15Dee dän ägiptischen Kjennich un siene Armee em Schelpmäa veseept. Siene truhoatje Leew haft kjeen Enj.
16Dee sien Volkj derch de Wiltnis leid. Siene truhoatje Leew haft kjeen Enj. 17Dee jewaultje Kjennichs schluach. Siene truhoatje Leew haft kjeen Enj. #(17-22) 4Mo 21,23-35 18Däm dee stoakje Kjennichs doot muak. Siene truhoatje Leew haft kjeen Enj. 19Sihon, de Amorita äa Kjennich. Siene truhoatje Leew haft kjeen Enj. 20Og, dän Kjennich von Baschan. Siene truhoatje Leew haft kjeen Enj. 21Un hee jeef an äa Launt aus Oafgoot. Siene truhoatje Leew haft kjeen Enj. 22Een Oafgoot fa sien Kjnajcht, Israel. Siene truhoatje Leew haft kjeen Enj.
23Dee aun ons docht, aus wie unjadrekjt worden. Siene truhoatje Leew haft kjeen Enj. 24Hee rad ons von onse Fiend. Siene truhoatje Leew haft kjeen Enj. 25Dee Menschen, Vee un Tieren un aulet jeschaufne foodat. Siene truhoatje Leew haft kjeen Enj. #Psa 145,15 26Dankt dän Gott em Himmel. Siene truhoatje Leew haft kjeen Enj.
Currently Selected:
Psalmen 136: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
