Psalmen 13
13
Forcht un vetruen
1Eent von David siene Psalmen, väatosinjen. 2Oo Har, woo lang woascht du mie soo gaunz vejäten? Woo lang west du die von mie nich seenen loten? #Psa 77,8; Hab 1,2 3Woo lang saul ekj en miene Seel sorjen un mie däachlich em Hoaten enjsten? Woo lang sellen miene Fiend äwa mie stonen?
4Kjikj emol no mie, un jeff mie eene Auntwuat, oo Har mien Gott! Jeff mie Uagenlicht, daut ekj nich em Doot enschlop, 5un mien Fient dan sajen kaun: Ekj hab de Äwahaunt äwa am jekjräajen. Un miene Jäajna sikj freien wan ekj faul.
6Oba ekj velot mie opp diene truhoatje Leew; mien Hoat freit sikj daut du soo jieren halpst. Ekj well fa Gott sinjen, daut Hee soo goot to mie jewast es.
Currently Selected:
Psalmen 13: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
