Psalmen 14

Kjeen Gott?

(Psa 53,2-7)

1Een Psalm von David, väatosinjen. De Noaren sajen sikj em Hoat: Doa es kjeen Gott. Daut sent vekomne Menschen, dee oppscheiselje Woakjen jedonen haben. Doa es nich eena, dee waut goodet deit. 2De Har kjikjt vom Himmel rauf no de Menschenkjinja, om to seenen auf doa irjentwäa kluak es un no Gott frajcht. 3Oba dee sent aula wajch jegonen, dee sent aulatoop vekomen. Doa es kjeena dee goodet deit, uk nich eena. #1Mo 6,12; Reema 3,10-12

4Woaren de schlajchte Menschen niemols to Ensecht komen, dee mien Volkj oppfräten, soo aus Menschen Broot äten, dee oba mie nich aunroopen, frajcht de Har. #Micha 3,3 5Oba dee woaren en groote Forcht komen, wiels Gott es en de jerajchte äare Jesalschoft. 6De onveschämde haben de oame äare Hopninj toschaund jemoakt, oba de Har es äare Tooflucht. #Psa 12,6

7Oo, daut Israel äare Help ut Zion komen mucht! Wan Gott sien faustjenomnet Volkj wada häastalen woat, dan woat Jakob froo sennen un Israel sikj freien. #Psa 126,1

Currently Selected:

Psalmen 14: PB

Highlight

Copy

Compare