Psalmen 12
12
Gott helt sien Vespräakjen
1Eent von David siene Psalmen, väatosinjen opp acht Seiden. 2Halp, Har! De heilje sent weinja jeworden. Opprechtje Menschen woaren emma weinja. 3Waut see räden unjarenaunda sent Läajes; see räden met schmeichelnde Leppen, oba mau de haulwe Woarheit.
4Mucht de Har een Enj moaken met aul daut Jeheichel, un met aule Tungen, dee doa stolt räden 5un sajen: Onse Tung saul de Äwahaunt hoolen; wie ieejnen onse Leppen. Wäa es Har äwa ons? #Hiob 21,14-15; Psa 73,8-9
6Wiels de schwake unjadrekjt woaren un de oame stänen, woa ekj mie äwahäa moaken, sajcht de Har, un an en äa velangen no Sechaheit, Help veschaufen.
7Waut de Har jerät haft, es soo rein aus Selwa daut säwen mol derch däm Leemtieejel Owen jeschekjt es. 8Oo Har, du woascht ons secha hoolen un emma fa soon Volkj bewoaren! 9Daut woat aulemol voll gottloose, wua soon Volkj, daut nuscht daucht, äwa de Menschen rejieren.
Currently Selected:
Psalmen 12: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
