Psalmen 11
11
Bie Gott em Vekrup
1Eent von David siene Psalmen, väatosinjen. Om secha to stonen sat ekj mien vetruen opp däm Harn. Woo kjenn jie dan to miene Seel sajen: Flieej soo aus een Voagel no dienen Boajch? 2Kjikj, de gottloose bieejen äare Boages un hoolen äare Feilen jäajen däm Strank, doamet heemlich de fromme to scheeten. 3Wan aule Gruntloagen oppjebroaken sent, waut kjennen de jerajchte doonen?
4De Har es en sien heiljen Tempel. Dän Harn sienen Troon es em Himmel. Hee sitt de Menschenkjinja, un siene Uagen unjasieekjen an. #Psa 33,13-14; Jes 66,1; Hab 2,20 5De Har unjasieekjt de jerajchte. Oba de gottloose un dee, dee doa jieren doonen waut nich rajcht es, dee vestat hee. 6Hee woat äwa de gottloose Fia un Schwäwelblitt räajnen loten, un eenen jlieejenden Storm aus Loon schekjen. #1Mo 19,24
7De Har es jerajcht un jleicht de Jerajchtichkjeit; de fromme sellen sien Jesecht seenen. #Mat 5,8
Currently Selected:
Psalmen 11: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
