Psalmen 114
114
De Gott dee Ieaforcht velangt
1Aus Israel ut Ägipten trock, Jakob siene Famielje ut een Volkj met eene framde Sproak, #2Mo 12,41 2wort Juda Gott sien heiljet Volkj un Israel sien Kjennichrikj. #2Mo 19,6
3Daut Mäa sach daut un brocht sikj wajch. De Jordan Riefa rand trigjaun. #2Mo 14,21-22; Jos 3,13.16 4De Boaj sprungen soo aus de Bakj, de Humpels soo aus Lama.
5Waut fäld die, du Mäa, daut du die wajch brochst, un met die, Jordan, daut du trigjaun ransd? #Jos 4,23-24 6Un jie Boaj, daut jie sprungen soo aus de Bakj, jie Humpels, soo aus Lama?
7Un du, Ieed, schedda die ver däm Harn, en Jakob sien Gott siene Jäajenwuat, #2Mo 19,18 8dee ut dän Steen een Wotapuddel muak, un ut dän hoaden Steen Wotakjwalen. #2Mo 17,6
Currently Selected:
Psalmen 114: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
