Psalmen 113
113
De groota metliedenda Gott
1Haleluja! Jie, däm Harn siene Deena, loft däm Harn sienen Nomen! 2Lot däm Harn sienen Nomen von nu aun bat en Eewichkjeit jeloft woaren! 3Von doa wua de Sonn oppjeit bat doa wua dee unjajeit, saul dän Harn sien Nomen jeloft woaren. #Psa 50,1
4De Har steit huach äwa aule Velkja, un siene Harlichkjeit hecha aus de Himmel. 5Wäa es soo aus de Har ons Gott, dee huach bowen opp däm Troon sett, #(5 un 6) 2Mo 15,11; Jes 57,15 6dee rauf sticht om to seenen waut em Himmel un opp de Ieed es? 7Hee häft de oame utem Stoff, un de betrofne utem Auschklompen, #(7 un 8) 1Sam 2,8; Luk 1,48; 1Mo 41,40-41 8daut hee dee met de väaschte em Volkj toop opp eene Benkj sat. 9Hee jeft de Fru, dee kjeene Kjinja haft, eene Famielje, daut see eene frooe Kjinjamutta woat. Haleluja! #1Mo 21,2; 1Sam 1,20; Luk 1,57-58
Currently Selected:
Psalmen 113: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
