Psalmen 112

112

Dee waut tru sent, woat jesäajent woaren

1Jesäajent es dee Maun, dee dän Harn fercht, dee eene groote Freid aun siene Jebooten haft. #(1 un 2) Psa 1,2; Spr 20,7 2Dee woat jewaultje Nokomen em Launt haben; dän opprechtjen Maun siene Nokomen woaren jesäajent sennen. 3Dee han daut em Hus rikj un äwa rikj, un siene Jerajchtichkjeit haft kjeen Enj. 4Fa dän Opprechtjen woat daut soogoa em diestren dach; hee es leeftolich, metliedent un jerajcht.

5Wäa metliedent es un jieren utliet, un en siene Haundlungen opprechtich es, woat daut goot haben. 6Dee saul emma fauststonen; de jerajchte woaren niemols vejäten woaren. 7Hee fercht kjeene schlajchte Norecht; sien Hoat es truhoatich un velat sikj opp däm Harn. 8Sien Hoat es jetroost un fercht sikj nich, wiels entlich woat hee äwa siene Fiend jewennen. #Psa 91,8 9Hee haft de oame rikjlich jejäft; siene Jerajchtichkjeit haft kjeen Enj; siene Krauft woat jeieet woaren. #2Kor 9,9 10De gottloosa woat daut seenen un em Oaja met de Tänen kjnirschen un vegonen. Waut de gottloose jieren wullen, es to nuscht jeworden.

Currently Selected:

Psalmen 112: PB

Highlight

Compare

Copy