Psalmen 110
110
Gott sajcht goot fa dän Kjennich
1Eent von David siene Psalmen. De Har sajcht to mienen Harn: Sett bie mie to rajchte Haunt, bat ekj die ut diene Fiend eene Footbenkj moak. #Mat 22,44; Apost 2,34-35; Heb 1,13; 10,12-13; 1Kor 15,25; Flp 2,8-11 2De Har woat die von Zion de Macht schekjen toom rejieren; jebeed äwa diene Fiend! #Psa 2,6 3En dee Doag, wan du en Krauft best, woat dien Volkj die friewellich, em heiljen Schmuck deenen; diene junge Mana woaren soo no die komen aus de Deiw utem Morjenroot.
4Waut de Har die jeschwuaren haft, woat am nich leet woaren: Du best een Priesta no Melchisedek siene Ordnunk un woascht eewich een Priesta sennen soo aus hee wia. #1Mo 14,18-20; Heb 5,6.10; 6,20; 7,17.21 5De Har aun diene rajchte Sied woat Kjennichs ombrinjen, wan sien Dach kjemt Rach to eewen. #Psa 2,2.5.9 6Hee woat de Velkja rechten, daut de Doodes biem Klompen ligjen. Hee woat de Harscha äwa de gaunze Welt unjaklunjen. #Dan 2,44 7Hee woat utem Wotastroom aum Wajch drinkjen, doawäajen woat hee sien Kopp huach hoolen.
Currently Selected:
Psalmen 110: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
