Psalmen 106

106

Ontruet Israel un de trua Gott

1Loft dän Harn! Dankt dän Harn, wiels hee es goot; siene truhoatje Leew haft niemols een Enj! #Psa 100,4-5; 107,1; 118,1; 136,1; 1Chr 16,34 2Wäa kaun daut utspräakjen, waut de Har fa jewaultje Dinja jedonen haft, ooda am volstendich jenuach danken? #Joh 21,25; Heb 11,32 3Goot fa dee, dee sikj aun sien Jeboot hoolen un emma jerajcht bliewen en aulem waut see doonen!

4 Har, denkj aun mie doano aus du dien Volkj Jnod vesproaken hast; lot mie diene Radunk seenen, 5daut ekj daut goode uk beläwen kaun, daut diene jewälde haben; daut ekj mie met dien Volkj metfreien kaun, un die met de dienje toop lowen kaun.

6Wie haben orrajcht jedonen, soo aus onse Vodasch, wie sent gottloos jewast un haben jesindicht. #Dan 9,5 7Onse Vodasch en Ägipten wullen diene Wunda nich vestonen; see dochten nich doaraun, woo foaken du an diene truhoatje Leew bewäsen hautst, un wieren die jäajenaun aum Rooden Mäa. #2Mo 14,11-12 8Un doch rad hee an om sienen Nomen sient haulwen, daut hee siene Macht bewiesen kunn. 9Opp sien Wuat drieejd daut Roode Mäa ut, un hee leid sien Volkj soo derch aus opp däm drieejen Launt. 10Un hee holp an ut dee äare Henj to komen, dee an veachten, un rad an ut de Fiend äare Jewault. 11Oba äare Fiend vedrunken aula, daut nich eena äwableef. 12Dan jleewden see, waut hee an vespruak, un sungen Gott Dankleeda. #2Mo 15,21

13Oba see vegauten boolt, waut hee jedonen haud, un luaden nich bat hee an wieda Rot jeef. 14See leeten sikj daut opp de opne Stap opp iernst jelesten, un vesochten Gott en de Wiltnis. #4Mo 11,4-6 15Hee jeef an wuano see fruagen, un uk soo väl, daut see doavon krank worden. 16Aus see em Loaga äwa Moses un Aaron, Gott siene heilje Deena, aufjenstich worden, #4Mo 16,1-3 17muak de Ieed sikj op un schlukt Datan opp un bedakjt uk Abiram un siene Famielje. #(17 un 18) 4Mo 16,31-35 18Doa bruak uk een Fia ut mank an, un vebrend de gottloose.

19See muaken een Kaulf aum Boajch Horeb un deeden daut jegotne Bilt aunbäden. #(19 un 20) 2Mo 32,1-6 20See vetuschten Gott siene Harlichkjeit fa eene Ossenjestault, een Oss dee von Graus läft. #Reema 1,23 21See vegauten Gott, äaren Heilant, dee en Ägipten fa an groote Dinja jedonen haud, #5Mo 32,18 22Wunda en Ham sien Launt, un schrakjelje Dinja aum Schelpmäa. 23Doawäajen säd Gott hee wudd an ombrinjen. Oba Moses, sien jewälda, kjeem doa tweschen, sien Oaja auftolenkjen, daut hee an nich ombrocht. #2Mo 32,11.32; 5Mo 9,25-29; Hes 13,4-5

24See deeden daut scheene Launt veachten un jleewden nich aun siene Vespräakjungen; #4Mo 14,2-4; 5Mo 8,7-10 25see grumsaujden en äare Zelten, un horchten nich doano waut Gott to sajen haud. 26Doawäajen schwua hee met eene oppjehowne Haunt, an en de Wiltnis omtobrinjen, 27un daut hee äare Nokomen manke Velkja schmieten, un en aule Lenda vestreien wudd. 28See schlooten sikj dän Aufgott, Baal von Peor aun, un eeten von de doodje Aufjetta äare Opfa. #4Mo 25,3 29Un derch äare beese Woakjen reizten see dän Harn sien Oaja, un doaropp bruak eene Ploag mank an ut. 30Dan kjeem Pinhas doa han un stroft de Sind, un de Ploag haud een Enj. #(30 un 31) 4Mo 25,12-13 31Daut wort am von Jennerazion bat Jennerazion opp eewich aus eene Jerajchtichkjeit aunjeräakjent. 32See vezoajden am uk bie daut Wota von Meriba, un Moses kjeem äat haulwen en Trubbel, #4Mo 20,2-13 33wiels see muaken een Opprua jäajen sienen Jeist, un Moses jlepten kjrasche Wieed äwa de Leppen.

34Uk brochten see nich aul dee Velkja em Launt äwatsied, dee de Har an befool omtobrinjen. #(34-36) 5Mo 7,1-2; 12,2-3; Rech 1,28; 2,23—3,6 35Oba see menjden sikj manke Velkja un lieeden soo to doonen aus dee deeden. 36Wiels see deenden äare Aufjetta, daut et fa an eene Schlenj wort. 37See deeden soogoa äare Säns un Dajchta de Aufjetta opfren. #(37 un 38) 3Mo 18,21; 2Kjen 21,6.16 38See vegooten äare Säns un Dajchta äa oschuldjet Bloot, dee see de Aufjetta en Kanaan opfaden, un doaderch wia daut Launt veorreinicht. 39See veorreinjden sikj selfst met äare Woakjen, un worden soo Gott ontru.

40Doawäajen wia de Har veoajat äwa sien Volkj, un daut Volkj, daut hee fa sikj jewält haud, wort am een Aufschu. 41Hee jeef an äwa no de Velkja, un äare Fiend rejieeden äwa an. #Rech 2,14 42Äare Fiend unjadrekjten an, un muaken an äare Macht unjadon. 43Hee rad an foaken, oba see wieren doaropp ut jäajenaun to sennen, un doawäajen jinjen see en äare Sinden unja.

44Un doch sach hee an en äare Noot un horcht emma wan see schrieejen. 45Om äat haulwen docht hee aun sienen Bunt, un ut siene groote truhoatje Leew to an, jeef hee no. 46Un hee schauft daut, daut dee, dee an faust hauden, Metleet met an hauden.

47Rad ons, oo Har ons Gott, un saumel ons ut aule Velkja, daut wie dienen heiljen Nomen danken, un die met Freiden lowen. #5Mo 30,3; 1Chr 16,35

48Wie lowen die Har, Israel äa Gott opp emma un eewich, un lot aule Menschen, Amen sajen. Haleluja! #1Chr 16,36; Psa 41,14

Currently Selected:

Psalmen 106: PB

Highlight

Compare

Copy