Spricha 25
25
Wan dien Fient hungat
1Dit sent noch mea Sprechwieed ut Salomo sien Spruchbuak, daut Hiskia, Kjennich von Juda, siene Mana aufjeschräwen haben. #Spr 1,1; 10,1
2Wie ieren Gott fa Sachen, dee hee ons nich wiest,
oba wie ieren Kjennichs, daut see Sachen utforschen.
3Soo aus de Himmel huach un de Ieed deep es,
soo sent de Kjennichs äare Hoaten:
Wie kjennen dee nich vestonen.
4Nemm dän Schlach vom Selwa,
dan kaun een reinet Jefäs doarut jemoakt woaren.
5Nemm de gottloose Rotjäwa ver dän Kjennich wajch,
un sien Troon woat en Jerajchtichkjeit bestonen. #Spr 16,12
6Drenj die nich no väaren ver däm Kjennich,
un stal die nich jlikj met de groote.
7Daut es bäta wan to die jesajcht woat: Komm hia nopp,
aus wan du ver eenen huachstonenden rauf jeschekjt woascht.
Waut du met diene Uagen jeseenen hast, #Luk 14,7-11
8go nich too bosich ver daut Jerecht;
waut woascht du to goodalatst doonen,
wan dien Noba die toschaund moakt?
9Räd diene Sach selfst met dienen Noba derch,
oba brinj nich opp, waut die em vetruen jesajcht es worden, #Spr 20,19
10sest kunn dee, wäa die hieed, die utschämen,
un du kust dien gooden Nomen niemols mea trigj kjrieen.
11Een Wuat to rajchte Tiet jerät,
es soo aus eene goldne Figua opp een selwanet Mosta. #Spr 15,23
12Soo aus een goldna Rinkj ooda eene goldne Spald,
es een weiset Vemonen fa däm, dee doa horcht.
13Soo aus wan em Eifst een bät Schnee kjilt,
soo es een trua jeschekjta fa däm dee am jeschekjt haft:
daut frescht sienen Harn siene Seel.
14Wäa väl vesprakjt un daut nich helt,
dee es soo aus Wolkjen un Wint onen Räajen.
15Derch Jedult jeit eenen aunjestalden to beräden,
un eene jelinde Tung kaun eenen Knoaken bräakjen. #Spr 15,1
16Wan du Honnich finjst, dan at bloos jrod jenuach;
wäa doa too väl von at, mott sikj bräakjen.
17Go dienen Noba nich too foaken besieekjen;
am mucht daut een oolent woaren, un hee kunn dien Fient woaren.
18Soo aus een Kjneppel ooda een Schwieet ooda eene schoape Feil,
es een Mensch dee een faulschet Zeichnis jäajen sienen Noba jeft.
19Em Trubbel sikj opp eenen ontruen Mensch veloten,
es soo aus eene schlajchte Tän ooda een loma Foot.
20Een bedrekjtet Hoat Leeda väasinjen,
es soo aus wäm aum kolden Dach de Kjleeda wajchnämen,
ooda soo aus Ädikj opp däm Sooda jeeten.
21Wan dienen Fient hungat, jeff am Broot to äten;
wan hee darschtich es, jeff am Wota to drinkjen. #(21 un 22) Reema 12,20
22Daut wudd am sennen aus wan du brennende Kolen opp sien Kopp lätst,
(doamet wakjst du een brennendet Schultjefeel en am,)
un de Har woat die doafäa beloonen.
23Soo secha aus een Nuadwint Räajen brinjt,
soo moaken plietsche Wieed Menschen doll.
24Daut es bäta en eenen Winkjel opp däm Bowabän to wonen,
aus met eene striedarische Fru em Hus to sennen.
25Soo aus koldet Wota fa eenen darschtjen Mensch,
soo es eene goode Norecht dee von wiet auf kjemt. #Spr 15,30
26Een jerajchta, dee fa eenen gottloosen nojeft,
es soo aus een blotja Borm ooda eene jeftje Kjwal.
27Too väl Honnich äten es nich goot,
un wäa siene ieejne Iea sieekjt, vedoaft sikj dee.
28Een Maun dee sikj selfst nich beharschen kaun,
es soo aus eene Staut, dee de Wenj doljebroaken sent. #Spr 29,11
Currently Selected:
Spricha 25: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
