Spricha 24
24
19
1Sie nich aufjenstich von beese Menschen,
un lot die äare Jesalschoft nich jankren,
2wiels em Hoat plonen see Vebräakjen,
un met äa Mul räden see von Trubbel moaken.
20
3Daut brukt Weisheit toom een Hus buen,
un Vestentnis, daut opp eenen fausten Grunt to stalen.
4Wua see sikj weeten, woaren de Stowen voll
von straume wieetvolle Sachen. #Spr 31,10-31
21
5Een weisa Maun vesteit siene Krauft uttonutzen;
een vestendja Maun weet woo noch stoakja to woaren.
6Met gooden Rot kaun eena Kjrich moaken,
un derch väl Rotjäwa kaun eena jewennen. #Spr 20,18; 11,14
22
7Weisheit es fa eenen Noa too huach;
hee haft bie de Weise äare wichtje Berodungen nuscht to sajen.
23
8Wäa doa plont beeset to doonen,
es bekaunt aus een schlajchta Mensch.
9Dommheit to plonen es Sind,
wäa spotten deit, es de Menschen jäajenaun.
24
10Wäa sikj em Trubbel nich weet, es nich sea stoakj.
25
11Rad dee, dee ojjerajcht sellen dootjemoakt woaren;
hool dee trigj, dee nom Schlachthus stolpren. #Psa 82,4
12Wan du sajchst: “Wie wisten von aules nuscht”,
dan moakj die daut Gott, dee de Jedanken recht, dee weet daut.
Hee dee äwa die woakt, weet daut;
hee woat die doano jäwen aus waut du deist.
26
13At Honnich, mien Sän, daut es goot;
Honnich utem Romp es seet em Hauls.
14Denkj uk doaraun daut Weisheit es Seets fa diene Seel,
wan du dee finjst, es Hopninj fa die en de Tookunft
un daut woat die nich wajchjenomen woaren.
27
15Ligj nich opp de Lua soo aus een gottloosa jäajen eenen jerajchten sien Hus;
doo nich en sien Hus enbräakjen.
16Wan een jerajchta uk säwen mol felt, steit dee emma wada opp,
oba de gottloose ranen sikj en de Grunt. #Psa 37,24
28
17Frei die nich doatoo wan dien Fient felt,
un sie nich froo em Hoat wan hee Ojjlekj haft. #Hiob 31,29
18De Har mucht daut seenen, un am kunn daut schlajcht jefaulen,
un hee mucht sien Oaja äwa am trigjhoolen.
29
19Oaja die nich äwa de schlajchte Menschen,
un sie nich aufjenstich von de gottloose. #Psa 37,1
20De beesa Mensch haft kjeene Hopninj fa de Tookunft,
un de gottloosa woat opphieren met schienen. #Spr 13,9
30
21Mien Sän, fercht dän Harn un dän Kjennich,
un go nich met dee, dee jäajen an sent; #1Pet 2,17
22de wadaspanstje woaren plazlich äa Enj trafen.
Wäa weet waut de Har ooda de Kjennich an doonen woat?
Noch eenje Rotschläaj mea
23Dise Wieed komen uk von de Weise.
Em Jerecht wäm toom Jefaulen väatrakjen, es nich goot. #3Mo 19,15
24Wäa to de gottloose sajcht: “Jie sent jerajcht”,
däm vedroagen de Lied nich,
un de Velkja woaren jäajen am sennen.
25Oba wäa de schuldje veuadeelt,
dee woat rikjlich jesäajent woaren.
26Eene opprechtje Auntwuat es soo aus een Kuss opp de Leppen. #Spr 15,23
27Verecht diene butaschte Oabeit
un moak diene Launtoabeit foadich,
un dan bu dien Hus.
28Jeff kjeen Zeichnis jäajen dienen Noba onen Uasoak,
paus opp daut du nich lichst met waut du sajchst. #2Mo 20,16
29Saj nich: “Ekj woa am krakjt soo doonen aus hee mie jedonen haft;
ekj woa am doafäa trigjtolen waut hee deed.” #Spr 20,22
30Ekj jinkj bie dän Fulpelz sienen Aka vebie,
bie dän onvestendjen sienen Wiengoaden.
31De Ieed wia met Distlen bewossen, un met Krut bedakjt,
un de Steenwaunt wia doljebroaken.
32Ekj bekjikjt daut un docht doaräwa no,
ekj neem eene Lia von waut ekj doa sach.
33Noch een bät lenja schlopen, noch een bät fulenzen,
noch een bät de Henj en de Schoot lajen un reiwen; #(33 un 34) Spr 6,9-11
34soo woat diene Oamoot äwa die komen aus een Reiba,
un diene Knaupheit aus een Maun met een Jewäa.
Currently Selected:
Spricha 24: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
