Spricha 23
23
6
1Wan du met eenen Volkjsleida toop setst toom äten,
dan bedenkj die waut du ver die hast.
2Un wan du too bejierich best biem äten,
dan sat die een Massa aun dien Hauls.
3Lot die nuscht von sien scheenet Äten jankren,
wiels hee well die doamet bekjeepen.
7
4Brinj die nich en de Grunt met rikj woaren;
sie weis jenuach Mot to brucken. #Spr 28,22
5Rikjtum brukst du bloos aunkjikjen, dan veschwinjt dee;
dee kjricht Flichten un flicht en de Wolkjen nenn aus een Odla.
8
6At nich Broot bie eenen jiezjen Maun;
lot die sien scheenet Äten nich jankren.
7Hee es soon Mensch dee emma doaraun denkjt waut daut kost;
hee woat emma sajen: Ät un drinkjt, oba sien Hoat es nich bie de Sach.
8Du woascht daut weinje oppbrinjen daut du jejäten hast,
un dien frintlich sennen es vejäfs jewast.
9
9Räd nich to eenen Noa,
dee woat de Weisheit en diene Wieed veachten.
10
10Doo eenen oolen Jrenssteen nich wieda saten,
un go nich opp de Weisen äa Launt nopp, #Spr 22,28
11wiels dee haben eenen stoakjen veteidja,
un dee woat äare Sach jäajen die oppnämen.
11
12Jeff dien Hoat han toom lieren,
un diene Uaren toom Weisheit hieren.
12
13Wäa die nich een Kjint to belieren;
dee woat doavon nich stoawen, wan du am met däm Stock strofst. #(13 un 14) Spr 22,15
14Strof däm metem Stock un rad dee Seel vom Doot.
13
15Mien Sän, wan dien Hoat weis es, woat mien Hoat sikj freien;
16miene Seel woat sikj freien wan diene Leppen räden waut rajcht es.
14
17Sie em Hoat nich aufjenstich von de Sinda,
lot dien Läwen Dach fa Dach Gott ieren;
18wiels daut woat nohäa goot fa die sennen,
un dien Hopen woat nich vejäfs sennen.
15
19Sie jehuarsom, mien Sän, un sie weis,
un hool dien Hoat opp däm rajchten Wajch.
20Hool die nich met dee waut too väl Wien drinkjen,
un dee sikj aun Fleesch äwafräten,
21wiels Drinkja un Fräta woaren oam,
un een Fulenza woat met verätne Kjleeda gonen. #Spr 21,17
16
22Horch no dienem Voda, dee die Läwen jeef,
un veacht diene Mutta nich, wan dee ieescht oolt es. #Spr 1,8
23Veschauf die Woarheit un lot dee nich loos;
besorj die uk Weisheit, Belierunk un Vestentnis.
24Eenen jerajchten Maun sien Voda haft groote Freid;
wäa eenen weisen Sän haft, es froo. #Spr 10,1
25Muchten dien Voda un diene Mutta froo sennen,
un mucht see, dee die jebuaren haft, sikj freien.
17
26Mien Sän, sie von Hoaten doano ut opp miene Wäaj to gonen,
un lot diene Uagen sikj to miene Wäaj freien.
27Eene Hua es soo aus een deepa Growen, en dän Mana leicht nenn faulen;
eene framde Fru es soo aus een deepa Borm. #(27 un 28) Spr 22,14; 7,10-14
28Soo aus een Vebräakja, licht see opp de Lua
un moakt emma mea Mana ontru.
18
29Wäm jeit daut schwoa? Wäa es truarich?
Wäa zankt un kloacht?
Wäa haft onneedje Wunden un blootroode Uagen? #(29-35) Spr 20,1; Jes 56,12
30Dee, dee sikj too lang romligjen, wua Wien to haben es,
dee, dee no jemischten Wien sieekjen.
31Frei die nich to dän schmocken rooden Wien,
un wan dee em Kuffel jlitzat, un soo glaut rauf jeit!
32Met de Tiet bitt dee aus eene Schlang
un stakjt die soo aus eene jeftje Schlang.
33Diene Uagen woaren sondaboare Dinja seenen,
un diene Jedanken woaren sikj vekjieedet väastalen.
34Du woascht soo sennen aus eena dee medden oppem Mäa
huach opp däm Säajelpost schlapt.
35Du woascht sajen: “Dee schluagen mie oba mie deed daut nuscht wee;
dee veklopten mie, oba ekj feeld daut nich.
Wanea woa ekj oppwakjen, daut ekj noch eent drinkjen kaun?”
Currently Selected:
Spricha 23: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
