Spricha 22
22
Wäa daut ojjerajchte seit, woat Onheil arnten
1Een gooda Nomen es mea wieet aus grootet Rikjtum,
un Iea es bäta aus Selwa un Golt. #Liera 7,1
2Eent es äwareen bie rikje un oame,
de Har haft dee aula jemoakt. #Spr 29,13
3De kluake seenen daut Ojjlekj komen un brinjen sikj utem Stich,
oba de jlikjeltje gonen doa nenn un motten doafäa lieden.
4Deemootich sennen un dän Harn ferchten
brinjt Rikjtum, Iea un Läwen. #Spr 15,33
5Stachels un Strenj ligjen opp de vekjieede äaren Wajch;
wäa doa wiet wajch von blift, bewoat siene Seel.
6Lia een Kjint dän rajchten Wajch gonen;
dan woat dee uk doabie bliewen wan dee oolt woat. #Spr 20,11
7De rikje rejieren äwa de oame,
un wäa doa borcht, es däm sien Sklow, dee am daut borcht.
8Wäa daut ojjerajchte seit, woat Trubbel arnten,
un sien racheewenda Stock woat äwatsied jebrocht woaren. #Hiob 4,8
9Een mildjäwaja Maun woat jesäajent,
wiels hee sien Broot met de oame deelt. #Spr 19,17
10Schmiet dän Spetta rut; dan hieet daut strieden opp,
un zanken un beleidjen haben een Enj. #Spr 26,20
11Wäa een truet Hoat haft un frintlich rät,
es däm Kjennich sien Frint. #Psa 101,6; Kol 4,6
12Däm Harn siene Uagen woaken äwa Weisheit,
oba de Wieed von dee, opp dee nich to veloten es, moakt hee to nuscht.
13De Fulenza sajcht: “Buten es een Leiw”,
ooda: “Ekj woa oppe Gaus omjebrocht woaren.” #Spr 26,13
14Eene onbandje Fru äa räden es soo aus een Aufgrunt,
wua dee nenfaulen, dee unja Gott sienen Oaja faulen. #Spr 5,3
15Een Kjint haft eene onbandje Natua,
oba de Belierungsstock woat daut ut am rut driewen. #Spr 13,24; 23,13-14; 29,17
16Wäa de oame unjadrekjt om sien Goot to mieren,
un de rikje Jeschenkja jeft, woat oam woaren.
Dartich Rotschläaj
17Horcht emol waut de Weise to sajen haben;
nämt de Weisheit to Hoaten, dee ekj lia: #Spr 24,23
18Du woascht die freien daut utwendich to weeten,
un dee opp de Leppen reed to haben.
19Die to nutzen, halp ekj die vondoag doaraun denkjen,
daut du dien vetruen opp däm Harn satst.
20Ekj hab die dartich utjetieekjende Dinja äwa Weisheit un Rot jeschräwen,
21die de Woarheit to lieren opp dee to veloten es,
daut du dee eene rajchte Auntwuat jäwen kaust dee die schekjen.
1
22Doo de oame nich utnutzen, wiels dee oam sent,
un unjadrekj de aufhengje nich em Jerecht; #(22 un 23) 2Mo 23,6
23de Har woat sikj äare Sach aunnämen,
un woat von dee nämen, dee von an nämen.
2
24Moak die nich toom Frint aun eenen hezjen Maun,
un jeff die nich met eenem auf, dee schwind doll woat, #Spr 15,18
25aundasch kust du siene Wäaj lieren,
un selfst en de Schlenj nenn jeroden.
3
26Sie nich een Maun, dee sikj derch een Hauntrieren vebircht,
eenem aundren siene Schult to betolen. #Spr 6,1
27Wan du daut nich betolen kaust,
nämen see die daut Bad wajch, opp daut du lichst.
4
28Sat nich eenen oolen Jrenssteen wieda,
dän diene Väavodasch oppjestalt haben. #5Mo 27,17; Spr 23,10
5
29Sitst du eenen Maun jeschekjt bie siene Oabeit?
Dee woat ver Kjennichs deenen, un nich ver jeweenelje Menschen.
Currently Selected:
Spricha 22: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
