Matäus 9

Jesus heelt een Jelämden

(Mrk 2,1-12; Luk 5,17-26)

1Un Jesus stieech wada en daut Boot un fua no de aundre Sied, wua hee tus hieed. #2Mo 34,6-7; Psa 103,3 2Un horcht, see brochten eenen jelämden Mensch no am, dän see opp een Bad druagen. Un aus Jesus äaren Gloowen sach, säd hee to dän Jelämden: Sie mau mootich, mien Sän. Diene Sinden sent die vejäft. 3Oba horcht emol, eenje von de Schreftjelieede säden bie sikj selfst: Dis Mensch lastat. #Mat 26,65 4Jesus oba wist #9,4 Eenje oole Schreften sajen sach. waut see dochten un säd to an: Wuarom hab jie soone beese Jedanken em Hoat? #Joh 2,25 5Waut es leichta to sajen: Die sent diene Sinden vejäft, ooda to sajen: Sto opp un go? 6Oba junt to wiesen daut de Menschensän hia oppe Ieed de Krauft haft Sinden to vejäwen, säd Jesus to dän Jelämden: Sto opp, nemm dien Bad un go no Hus. #Joh 17,2 7Un hee stunt opp un jinkj no Hus! 8Aus de Menschen daut sagen, ferchten see sikj un lowden Gott, daut hee Menschen soone Krauft jejäft haud.

Jesus roopt Matäus un at met de Takskollakjta

(Mrk 2,13-17; Luk 5,27-32)

9Aus hee von doa wieda jinkj, sach hee eenen Maun en de Takskollakjtabood setten, dee heet Matäus. Jesus säd to am: Komm folj mie! Un hee stunt opp un foljd am. #Mat 10,3 10Un aus Jesus em Hus aum Desch saut, kjeemen väl Takskollakjta un Sinda un saden sikj bie Jesus un siene Jinja dol. 11Un aus de Farisäa daut sagen, säden see to Jesus siene Jinja: Wuarom at jun Meista met de Takskollakjta un Sinda toop? 12Aus Jesus daut hieed, säd hee: De jesunde brucken dän Dokta nich. Dän brucken mau de kranke. #Hes 34,16 13Got un lieet waut dit meent: “Ekj well nich june Opfa, oba daut jie Metleet bewiesen.” Ekj sie nich jekomen de jerajchte entoloden oba de Sinda, daut dee sikj oppmoaken. #1Sam 15,22; Hos 6,6; Mat 12,7; 18,10-11

De Froag äwa daut Fausten

(Mrk 2,18-22; Luk 5,33-39)

14Dan kjeemen Johanes siene Jinja no Jesus un fruagen am: Wuarom doo wie un de Farisäa äare Jinja fausten, #9,14 Eenje oole Schreften sajen fausten foaken. un diene Jinja fausten nich? #Luk 18,12 15Un Jesus säd to an: Dän Briegaum siene Jast kjennen doch nich truarich sennen, soolang aus de Briegaum bie an es! Oba de Dach kjemt, daut de Briegaum woat von an jenomen woaren, un dan woaren see fausten. #Joh 3,29 16Kjeena wudd een oolet Kjleet met nieet Zeich flekjen. Wiels daut niee Flekj ritt doch wada vom Kjleet, un daut Loch woat jrata. #Reema 7,6 17Un niea Wien woat uk nich en oole Wienladasch jegoten, wiels dee wudd de Ladatausch opprieten, un de Wien wudd utkjwidren, un daut Wienlada wia vebrukt. Oba niea Wien woat en niee Wienlada jegoten, un dan blift beides goot.

Jesus heelt eene kranke Fru un wakjt eene Mejal vom Doot

(Mrk 5,21-43; Luk 8,40-56)

18Aus Jesus an dise Dinja vetald, kjeem von äare Leidasch eena, kjneed sikj ver am un säd: Miene Dochta es jrod jestorwen, oba komm du un laj ar de Henj opp, dan woat dee wada oppläwen. 19Un Jesus stunt opp, un met siene Jinja toop jinkj hee met.

20Jrod dan kjeem eene Fru, dee aul 12 Joa unja äa bleeden jeläden haud, un foot sien Kjleet aum Soom. 21See säd sikj: Wan ekj bloos sien Kjleet aunfoten kunn, wudd ekj jeheelt woaren. #Mat 14,36 22Oba Jesus kjikjt sikj om un sach ar. Hee säd to ar: Sie mau jetroost, Dochta, dien Gloowen haft die jeheelt. Un de Fru wia von dee Stund aun jeheelt.

23Aus Jesus no dän Leida sien Hus kjeem un de Fleetenspäla sach un hieed, waut de Menschen doa fa een Jetimmel muaken, 24säd hee to an: Moakt Rum. De Mejal es nich doot, dee schlapt. Un see lachten am ut. #Joh 11,11.14.25 25Oba aus de Menschen rutjedräwen wieren, jinkj hee nenn, foot de Mejal aun de Haunt, un dee stunt opp. 26Un dit Nies räd sikj en de gaunze Jäajent rom.

Jesus heelt twee blinje Mana

27Aus Jesus von doa wieda jinkj, jinjen am twee blinje Mana hinjaraun un schrieejen lud: Hab Metleet met ons, du David sien Sän! #Mat 20,30 28Aus Jesus em Hus nenn jinkj, jinjen de blinje uk nenn no am. Un Jesus säd to an: Jleew jie, daut ekj daut doonen kaun? See säden: Jo, Har! #Apost 14,9 29Dan schieed Jesus äare Uagen aun un säd: Daut saul krakjt soo woaren, aus jie jejleeft haben. #Mat 8,13 30Un see kunnen seenen! Un Jesus säd an strenj, see sullen soo sorjen, daut kjeena daut wudd enwoaren. #Mat 8,4 31Oba see jinjen rut un vetalden von am en de gaunze Jäajent.

Jesus heelt eenen stommen

32Dise wieren jrod wajch, dan brochten see eenen stommen Maun no am, dee von eenen beesen Jeist besäten wia. 33Un aus de beesa Jeist ieescht rut jedräwen wia, räd de stomma Maun. Un de Lied vewundaden sikj un säden: Soowaut aus dit hab wie en Israel noch nich jeseenen. 34Oba de Farisäa säden: Hee drift dän beesen Jeist derch de beese Jeista äaren bowaschten rut. #9,34 Eenje oole Schreften haben disen Varsch nich. #Mat 12,24-32

De Jinja utjeschekjt no een veschmachtet Volkj

(Mrk 6,34; Luk 10,2-16)

35Un Jesus jinkj derch aul äare Städa un Darpa, lieed en äare Schoolen un prädijd daut Evangelium von Gott sien Rikj un muak de Menschen jesunt von aul äare veschiedne Krankheiten. 36Un aus hee daut Volkj sach, jaumad am daut äwa an, wiels see wieren vejoacht un helploos, soo aus Schop onen Hoad. #1Kjen 22,17; Hes 34,5; Mrk 6,34 37Dan säd hee to siene Jinja: Doa es eene groote Arnt, oba doa sent mau weinich Oabeida. 38Froacht doch däm Harn, dän de Arnt jehieet, daut hee Oabeida schekjt, de Arnt entobrinjen. #Luk 10,2

Currently Selected:

Matäus 9: PB

Highlight

Copy