Matäus 25

Daut Jlikjnis von tieen Brutjesalen

1Dan es daut Himmelrikj uk met tieen Mejales to vejlikjen, dee äare Laumpen neemen un jinjen rut, dän Briegaum #25,1 Eenje oole Schreften sajen un de Brut. entjäajen to gonen. #Luk 12,35-36; Opb 19,7 2Fief von dee wieren kluak, un fief wieren nich kluak. #2Mo 12,1-20; Mat 20,18 3-4De fief kluake neemen, buta äare Laumpen, uk noch eene Kruck Eelj met. De aundre fief oba wieren nich kluak jenuach Eelj mettonämen fa äare Laumpen. 5Aus de Briegaum no sikj luaren leet, worden see aula schleeprich un schleepen en. 6Oba medden en de Nacht wia met eemol een Jeschrech: De Briegaum kjemt! Komt am entjäajen! 7Dan stunden de Junkfrues aule tieen opp un puzten äare Laumpen. 8Dan säden de onkluake to de kluake: Jäft ons waut von june Eelj, wiels onse Laumpen gonen ut. 9Oba de kluake säden to an: Fa ons aula rieekjt daut nich too. Got leewa un kjeept fa junt selfst. 10Un aus see jinjen Eelj kjeepen, kjeem de Briegaum. Un dee, dee doa reed wieren, jinjen met nenn to de Kjast, un de Däa wort toojeschloten. #(10-12) Luk 13,25 11Nohäa kjeemen de aundre Junkfrues un säden: Har, Har, lot ons nenn! #5Mo 15,11 12Hee oba säd: Ekj saj junt de Woarheit: Ekj kjan junt nich. #Mat 7,23 13Doawäajen saj ekj: Siet waka! Jie weeten nich dän Dach ooda de Stund, wanea ekj komen woa. #Mat 24,42.44

Daut Jlikjnis von aunvetrudet Jelt

(Luk 19,12-27)

14Daut Himmelrikj woat soo sennen, aus wan een Maun opp eene Reis fua, un siene Deena roopt un an sien Vemieejen aunvetrud. 15Un hee jeef däm ieeschten 5 Pinjelkjes Golt, #25,15 Griechisch fief Talenten däm tweeden twee un däm dredden eent, eenen jiedrem doano aus hee em Staund wia to hauntieren, un fua wajch. #Reema 12,6 16Un dee, dee de 5 jekjräajen haud, jinkj fuaz un haundelt doamet un jewonn 5 mea. 17Soo uk dee, dee twee jekjräajen haud, jewonn noch twee mea. #2Mo 12,18-20 18Oba dee, dee mau eent jekjräajen haud, jinkj un begrowd sien Har sien Golt. #Mat 21,3 19Dan om eene lange Tiet kjeem de Har met siene Deena to veräakjnen. 20Dan kjeem daut ieeschte dee, dee 5 Pinjelkjes #25,20 Griechisch Talenten jekjräajen haud, un brocht 5 mea un säd: Har, du jeefst mie 5, un ekj hab doamet 5 mea jewonnen. 21Sien Har säd to am: Du gooda, trua Kjnajcht, du hast goot jedonen. Du best äwa weinich tru jewast, ekj woa die äwa väl saten. Go un frei die met dienen Harn met! #Mat 24,45-47 22Dan kjeem dee väa, dee twee jekjräajen haud, un säd: Har, du jeefst mie twee, un ekj hab doamet twee mea jewonnen. 23Sien Har säd to am: Du hast goot jedonen, du gooda un trua Kjnajcht. Du best äwa weinich tru jewast, ekj woa die äwa väl saten. Go un frei die met dienen Harn met. 24Dan kjeem uk dee väa, dee eent jekjräajen haud, un säd: Har, ekj wist daut du een hoada Maun best. Du arnst, doa wua du nich jeseit hast, un saumelst, doa wua du nich utjestreit hast. #Luk 17,1-2 25Doawäajen haud ekj Angst, un ekj jinkj un begrowd dien Jelt en de Ieed. Hia hast du daut dienje. 26Sien Har oba säd to am: Du beesa, fula Kjnajcht! Du wist daut ekj arnt, wua ekj nich jeseit hab, un saumel, wua ekj nich utjestreit hab. #(26-28) 1Kor 10,16; 11,23-25 27Dan hautst du mien Jelt sult haben en de Bank jelajcht, un dan wan ekj kjeem, haud ekj mien Jelt met Entras jekjräajen. 28Dan nämt am mau daut eene wajch un jäft däm daut, dee de tieen haft. #2Mo 24,8; Jer 31,31; Heb 9,15-16 29Wiels wäaemma doa haft, däm woat mea jejäft, daut hee mea aus jenuach haft. Wäa oba nich haft, von däm woat noch daut jenomen, waut hee haft. #Spr 11,24-25; Mat 13,12 30Un schmiet dän nuzloosen Kjnajcht rut em diestren. Doa woaren de Menschen jaumarieren un met de Tänen kjnirschen. #Psa 113,1—118,29

Wuano de Weltrechta aum Enj uadeelt

31Wan de Menschensän en siene Harlichkjeit komen woat, un aule Enjel met am, dan woat hee opp sienen harlichen Troon setten. #Mat 16,27; Opb 20,11-13 32Un ver am woaren aule Velkja toopkomen. Hee woat dee uteneen deelen, soo aus een Hoad de Schop von de Bakj deelt. #Mat 13,49; Reema 14,10 33Un hee woat de Schop aun siene rajchte Sied talen un de Bakj aun de linkje Sied. #Hes 34,17 34Dan woat de Kjennich to dee aun de rajchte Sied sajen: Komt! Jie sent von mienen Voda jesäajent. Oaft daut Rikj, daut fa junt reedjemoakt wort, aul don aus dise Welt de Grunt jelajcht wort! #Joh 13,38 35Wiels ekj wia hungrich, un jie jeewen mie to äten. Ekj wia darschtich, un jie jeewen mie to drinkjen. Ekj wia framd un jie neemen mie opp. #(35 un 36) Jes 58,7 36Ekj wia noaktich, un jie jeewen mie Kjleeda. Ekj wia krank, un jie besochten mie. Ekj wia enjestopt, un jie kjeemen mie besieekjen. 37Dan woaren de jerajchte to am sajen: Har, wanea sag wie die hungrich un jeewen die to äten, ooda darschtich un jeewen die to drinkjen? #Mat 17,1; Heb 5,7 38Ooda wua troff wie die aus eenen Framden un neemen die opp, ooda noaktich un jeewen die Kjleeda? #Joh 12,27 39Wua sag wie die krank ooda faustjenomen un besochten die? #Joh 18,11; 6,38; Heb 5,8 40Dan woat de Kjennich to an sajen: Ekj saj junt de Woarheit: Waut jie fa dän jerinjsten von miene Breeda jedonen haben, daut hab jie aun mie jedonen. #Spr 19,17; Mat 10,42; Heb 2,11

41Dan woat hee to dee aun siene linkje Sied sajen: Wajch met junt, jie vefluchte, em eewjen Fia nenn, daut fa dän beesen Fient un siene Enjel reedjemoakt es! #Opb 20,10.15 42Wiels ekj wia hungrich, un jie jeewen mie nich to äten. Ekj wia darschtich, un jie jeewen mie nuscht to drinkjen. 43Ekj wia framd, un jie neemen mie nich opp. Ekj wia noaktich, un jie jeewen mie nich to kjleeden. Ekj wia krank un em Jefenkjnis, un jie kjeemen mie nich besieekjen. 44Dan woaren dee uk sajen: Har, wanea hab wie die hungrich ooda darschtich ooda framd ooda noaktich ooda krank un faustjenomen jeseenen, un haben die nich bedeent? #2Kor 12,8 45Dan woat hee an auntwuaten: Ekj saj junt de Woarheit: Waut jie aun mienen jerinjsten Brooda nich jedonen haben, hab jie mie uk nich jedonen. 46Un dee woaren en äare eewje Strof nenn gonen, de jerajchte oba en daut eewje Läwen. #Joh 5,29; Jak 2,13

Currently Selected:

Matäus 25: PB

Highlight

Copy