Matäus 16

De Jäajna velangen emma wada een Wunda to seenen

(Mrk 8,11-13; Luk 12,54-56)

1Un de Farisäa un Saduzäa kjeemen, un om am opp de Proow to stalen, fruagen see am no een Tieekjen vom Himmel. #Mat 12,38 2Siene Auntwuat wia: Wan daut Owent woat, saj jie: Daut woat scheenet Wada sennen, wiels de Himmel es root. #16,2 Eenje oole Schreften sajen nich Wan daut Owent woat, saj jie: Daut woat scheenet Wada sennen, wiels de Himmel es root. 3Un zemorjes saj jie: Daut dreift met Storm, wiels de Himmel es root un dunkel. Jie Heichla! Jie kjennen daut Wada dieden, doano waut aum Himmel to seenen es. Oba de Tieekjens, dee de Tiet aundieden, kjan jie nich. #Mat 11,4 4Dit es eene beese ehebräakjarische Jennerazion, daut no een Tieekjen sieekjt. Oba an saul kjeen Tieekjen jejäft woaren, buta daut Tieekjen von Jona. Un hee leet an doabie un jinkj wajch. #Mat 12,39-40

De Jinja vestonen noch emma nich

(Mrk 8,14-21)

5Aus de Jinja aun de aundre Sied aunkjeemen, hauden see vejäten Broot mettonämen. 6Jesus säd to an: Heet junt fa de Farisäa un Saduzäa äare Häw! #Luk 12,1 7Un see unjahilden sikj doaräwa un säden: Daut es, wiels wie nich Broot metjebrocht haben. 8Aus Jesus daut enwort, säd hee: Woo es jun Gloowen soo schwak? Wuarom moak jie junt doaräwa schwoa, daut jie nich Broot haben? 9Kjenn jie daut noch emma nich vestonen? Hab jie daut aul von de 5 Brood un de 5.000 Menschen vejäten un woo väl Kjarwvoll jie noch tooplausen? #Mat 14,17-21 10Ooda dee säwen Brood un de 4.000 Maun un woo väl Kjarw jie doa tooplausen? #Mat 15,34-38 11Woo kjemt daut, daut jie nich vestonen, daut ekj nich von Broot räd, wan ekj saj jie sellen junt fa de Farisäa un Saduzäa äare Häw heeden? 12Dan vestunden see, daut see sikj nich fa de Häw em Broot heeden sullen, oba daut see sikj fa de Farisäa un Saduzäa äare Lia heeden sullen.

Petrus sien Bekjantnis von Jesus

(Mrk 8,27-30; Luk 9,18-21)

13Aus Jesus en Cäsarea Filippi aunjekomen wia, fruach hee siene Jinja un säd: Wäa sajen de Menschen daut ekj, de Menschensän, sie? 14Un see säden: Eenje sajen, du best Johanes de Deepa, aundre sajen du best Elia, un eenje du best Jeremia ooda eena von de Profeeten. #Mat 14,2; 17,10; Luk 7,16 15Un hee säd to an: Un wäa saj jie, daut ekj sie? 16Simon Petrus auntwuad: Du best de Christus, dän läwendjen Gott sien Sän! #Joh 6,69 17Jesus säd to Petrus: Seelich best du, Simon, Jona sien Sän. Dit hast du nich von Menschen. Daut haft mien Voda em Himmel die openboat. #Mat 11,27; Gal 1,15-16 18Un ekj saj die, du best Petrus, #16,18 Griechisch petros un opp disen Steen #16,18 Griechisch petra woa ekj miene Jemeent buen, äwa dee de Doodesjewault niemols woat de äwahaunt kjrieen. #Joh 1,42; Efs 2,20 19Un ekj woa die de Schlätels toom Himmelrikj jäwen, un wautemma du oppe Ieed binjst, saul uk em Himmel jebungen sennen, un aules, waut du oppe Ieed leesen deist, saul uk em Himmel loos sennen. #Mat 18,18 20Dan befool Jesus siene Jinja strenj, daut see daut to kjeenem sajen sullen, daut hee de Christus wia. #Mat 17,9

Jesus rät toom ieeschten Mol von sien Doot

(Mrk 8,31-33; Luk 9,22)

21Von dan funk Jesus aun siene Jinja daut bietobrinjen, daut hee no Jerusalem gonen must un derch de Eltestasch un Huagepriestasch un Schreftjelieede väl wudd lieden motten un dootjemoakt woaren un oba dän dredden Dach vom Doot oppstonen wudd. #Mat 12,40; Joh 2,19 22Dan neem Petrus am tosied un säd to am: Gott bewoa die! Soowaut saul die nie passieren! 23Jesus dreid sikj no Petrus un säd to am: Soton, see daut du wajch kjemst. Du steist mie em Stich! Du denkjst nich soo aus Gott, oba soo aus Menschen

Met Jesus metgonen bediet sien Kjriez to droagen

(Mrk 8,34—9,1; Luk 9,23-27)

24Dan säd Jesus to siene Jinja: Wan wäa met mie metkomen well, mott hee von sikj selfst vejäten un dan sien Kjriez opp sikj nämen un metkomen. #(24 un 25) Mat 10,38-39; 1Pet 2,21 25Wiels wäa sien Läwen raden well, woat daut velieren. Oba wäa sien Läwen om mient haulwen velieren deit, woat daut wada finjen. #Opb 12,11 26Wiels waut halpt een Mensch daut, wan hee de gaunze Welt jewennen wudd, wan hee siene ieejne Seel doafäa jäwen must? Ooda waut kaun een Mensch jäwen, siene Seel trigjtokjrieen? #Psa 49,9; Luk 12,20 27Wiels de Menschensän woat met siene Enjel toop en sien Voda siene Harlichkjeit komen un een jiedrem Loon jäwen, doano waut hee jedonen haft. #Reema 2,6 28Ekj saj junt de Woarheit: Hia stonen soone, dee dän Doot nich schmakjen woaren, bat see dän Menschensän woaren en sien Kjennichrikj komen seenen. #Mat 10,23

Currently Selected:

Matäus 16: PB

Highlight

Copy