YouVersion Logo
Search Icon

Matäus 14

14
Waut Herodes von Jesus denkjt
(Mrk 6,14-29; Luk 9,7-9)
1En dise Tiet kjrieech Herodes de Kjennich to hieren, waut äwa Jesus vetald wort. 2Dan säd hee to siene Deena: Daut es Johanes de Deepa. Dee es vom Doot oppjestonen, doawäajen haft hee de Krauft soone Wundawoakjen to doonen.
Johanes, de Deepa, woat dootjemoakt
(Mrk 6,17-29)
3Wiels Herodes haud Johanes faustjenomen, un am binjen un enstoppen loten, wäajen Herodias, sienen Brooda Filippus #14,3 Eenje oole Schreften sajen nich Filippus. siene Fru. #Mat 11,2 4Wiels Johanes säd to am: Daut es nich rajcht, daut du ar hast. #2Mo 20,14 5Herodes wudd am jieren dootjemoakt haben, oba hee fercht sikj fa de Menschen, wiels dee hilden am fa een Profeet. #Mat 21,26
6Oba aus Herodes sien Jeburtsdach kjeem, daunzt Herodias äare Dochta ver Herodes siene Jesalschoft, un am jefoll daut. 7Hee schwieed doaropp, daut hee ar irjentwaut jäwen wudd, wuano see Froagen wudd. 8Von äare Mutta doatoo aunjeleit, säd see: Brinj mie opp eene Schiew, Johanes dän Deepa sien Kopp. 9Daut deed dän Kjennich leet. Oba om sien Vespräakjen to hoolen un om dee äat haulwen, dee met am aum Desch sauten, befool hee daut to doonen. 10Hee schekjt un leet Johanes em Jefenkjnis dän Kopp aufhaken. 11Un sien Kopp wort opp eene Schiew de Mejal jebrocht, un see brocht äare Mutta dän. 12Un siene Jinja kjeemen, neemen sien Kjarpa un begrowden dän, un see jinjen un säden Jesus daut.
Jesus jeft 5.000 Menschen to äten
(Mrk 6,30-44; Luk 9,10-17; Joh 6,1-14)
13Aus Jesus daut hieed, reisd hee wieda un fua en een Boot no eene eensome Städ, wiels hee wull auleen sennen. Oba aus de Menschen daut hieeden, kjeemen dee ut de Städa un jinjen am to Foot hinjaraun. 14Un aus hee doahan jinkj, sach hee aul dee Menschen, un am jaumad daut äwa an, un hee heeld de kranke. 15Aus daut Owent wort, kjeemen de Jinja un säden to am: Wie sent hia en de Wiltnis, un daut es aul lot; schekj de Menschen wajch, daut dee no de Darpa gonen un sikj waut kjeepen to äten. 16Jesus säd to an: Daut es nich needich, daut dee wajchgonen. Jäft jie dee to äten. 17See säden to am: Wie haben hia bloos 5 Brood un twee Fesch. 18Un hee säd: Brinjt mie dee emol häa! 19Dan säd Jesus to de Menschen, see sullen sikj opp däm Graus dolsaten. Un hee neem de 5 Brood un de twee Fesch, kjikjt nopp nom Himmel un spruak een Dankjebäd, bruak daut Broot un jeef de Jinja daut, un dee jeewen de Menschen daut. 20Dee eeten sikj aula saut un lausen noch 12 Kjarw voll opp, waut doa äwajebläwen wia. #2Kjen 4,44 21Un daut wieren bie 5.000 Maun, onen Frues un Kjinja, dee doa jejäten hauden.
Jesus jeit opp däm Wota
(Mrk 6,45-52; Joh 6,15-21)
22Dan befool Jesus siene Jinja en daut Boot to stieen un no de aundre Sied to foaren, un hee neem noch Aufscheet vom Volkj. 23Un aus de Menschen wajch wieren, jinkj hee fa sikj auleen opp een Boajch, toom bäden. Aus daut Owent wort, wia hee fa sikj auleen. #Luk 6,12; 9,18 24Oba daut Boot wia nu aul een Enj vom Launt auf #14,24 Eenje oole Schreften sajen een Enj opp daut Mäa. un wort von de Walen han un häa jeschmäten, wiels de Wint wia an jäajenaun. 25Soo bie Klock dree zemorjes kjeem Jesus an opp däm Wota entjäajen jegonen. 26Oba aus de Jinja am sagen opp däm Wota gonen, wia an schrakjlich angst un säden: Daut es een Jespanst! un schrieejen ut Angst. #Luk 24,37 27Oba dan räd Jesus met an un säd: Enjst junt nich. Dit sie ekj! 28Petrus säd to am: Har, wan du daut best, dan saj, daut ekj opp däm Wota no die komen saul. 29Jesus säd: Komm! Petrus stieech utem Boot rut un jinkj opp däm Wota no Jesus opptoo. 30Oba aus hee dän Wint #14,30 Eenje oole Schreften sajen stoakjen Wint. sach, wort am angst, un funk aun unjatogonen. Dan schrieech hee: Har, rad mie! 31Jesus strakjt schwind de Haunt ut un kjrieech am to hoolen un säd to am: Oo Mensch, du hast een kjlienen Gloowen. Wuarom twiewelsd du? 32Un aus see em Boot nenn stieejen, wort de Wint stell. 33Dee waut em Boot wieren, kjeemen un bäden am aun un säden: Du best woarhauftich Gott sien Sän! #Mat 16,16; Joh 1,49
Jesus heelt kranke en Genezaret
(Mrk 6,53-56)
34Aus see äwajefoaren wieren, launden see en Genezaret. 35Un aus de Menschen am doa enworden, leeten see daut aulem en äare Omjäajent weeten un brochten aul äare Kranke no am 36un prachaden am, daut hee an bloos sull loten sienen Soom aum Kjleet aunschieren. Un wäa am aunschieed, wia gaunz jesunt. #Mat 9,21; Luk 6,19

Currently Selected:

Matäus 14: PB

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy