Matäus 11

Johanes, de Deepa, siene Froag aun Jesus

(Luk 7,28-35)

1Aus Jesus siene Jinja unjarecht haud, jinkj hee wieda en äare Städa un lieed un prädijd.

2Aus Johanes em Jefenkjnis hieed, waut Jesus deed, schekjt hee twee von siene Jinja un leet froagen: #Mat 14,3 3Best du dee doa komen sull, ooda sell wie no eenen aundren luaren? #Mal 3,1; Mat 3,11 4Un Jesus säd to an: Got sajcht Johanes, waut jie hieren un seenen: 5De blinje kjennen wada seenen, de lome kjennen gonen, de Leprakranke woaren rein, de doowe kjennen wada hieren, Doodes stonen opp, un de oame woat daut Evangelium jeprädicht. #Jes 35,5-6; 61,1 6Seelich es, wäa sikj nich oajat äwa mie. #Mat 13,57; 26,31

Jesus rät äwa Johanes

(Luk 7,24-35; 16,16)

7Aus Johanes siene Jinja wajchjinjen, funk Jesus aun, to de väle Menschen von Johanes to räden un säd: Aus jie no de Wiltnis jinjen Johanes to seenen, waut räakjend jie to seenen? Een Schelprua daut de Wint han un häa weit? #Mat 3,1.5 8Waut wull jie seenen gonen? Eenen Maun en feine Kjleeda? Soone Menschen wonen wua en een Paulaust. 9Waut wull jie seenen gonen? Wull jie een Profeet seenen? Jo, ekj saj junt: noch mea aus een Profeet. #Luk 1,76; 20,6 10Dit es dee von däm jeschräwen steit: “Seet, ekj schekj mien Bootschofta ver die, dee dienen Wajch fa die reedmoaken woat.” #Mal 3,1

11Ekj saj junt de Woarheit: Doa es nich een Mensch jebuaren, dee doa jrata es aus Johanes de Deepa. Un doch de kjlansta em Himmelrikj es jrata aus dee. #Mat 13,17 12Von dan aus Johanes prädijd bat nu, es daut Himmelrikj emma wada met Jewault aunjejräpen worden, #11,12 ooda jewaultich aunjekomen un dee doa Jewault eewen, nämen daut en. #Luk 16,16 13Aule Profeeten un daut Jesaz profezeiden bat Johanes kjeem, 14un wan jie wellich sent daut auntonämen: Hee es de Elia, dee doa komen sull. #Mal 3,23; Mat 17,10-13 15Wäa Uaren haft toom hieren, däm lot hieren. #11,15 Eenje oole Schreften haben nich däm lot hieren.

16Met waut kaun ekj de Menschen vondoag dän Dach vejlikjen? Dee sent soo aus Kjinja, dee sikj opp däm Moakjtplauz romsetten, un eene Grupp schricht to de aundre: 17Wie spälden, un jie daunzten nich; wie muaken Trua, un jie hielden nich. #Joh 5,35 18Johanes kjeem un eet un drunk nich; dan säden see: Dee haft een Soton. #Mat 3,4 19De Menschensän kjeem, un at un drinkjt, un see sajen: Kjikjt no dän Fräta un Drinkja, een Frint aun Takskollakjta un Sinda! Un doch rajchtfoadicht de Weisheit sikj derch daut waut see deit. #11,19 Eenje oole Schreften sajen derch äare Kjinja. #Mat 9,10-15; Joh 2,2; 1Kor 1,24-30

Wäa nich hieren well

(Luk 10,13-15)

20Dan funk Jesus aun, de Städa, wua hee de mieeschte groote Wunda jedonen haud, daut väatohoolen, daut see äaren Senn nich jeendat hauden: 21Wee die, Chorazin! Wee die, Betsaida! Wan de groote Wunda, dee ekj bie junt deed, en Tierus un Sidon passieet wieren, dee hauden sikj lenjst Sakj omjewekjelt, sikj en de Ausch jesat un omjekjieet. #Jona 3,6 22Oba ekj saj junt dit, aum Jerechtsdach woaren Tierus un Sidon leichta aufkomen aus jie woaren. 23Un du Kapernaum, best du nich bat aum Himmel jehowen worden? Du woascht en de Hal jeschmäten woaren. Wiels wan de groote Woakjen, dee bie junt jedonen worden, wieren en Sodom passieet, daut stunt noch vondoag dän Dach. #Jes 14,13.15; Mat 4,13; 8,5; 9,1 24Oba ekj saj junt dit: Daut woat fa Sodom leichta sennen aum Jerechtsdach aus fa die. #Mat 10,15

Jesus un de Voda. Enlodunk to een tofrädstalendet Läwen

(Luk 10,21-22)

25Doaropp säd Jesus: Voda un Har äwa Himmel un Ieed, ekj dank die daut du dit fa de weise un jelieede jeheem jehoolen hast, un hast de kjliene Kjinja daut openboat. #(25-27) Jes 29,14; Luk 10,21-22; Joh 17,25; 1Kor 1,18-29 26Jo, Voda; dit es soo aus die daut jefoll. 27Aules waut ekj hab, es mie vom Voda jejäft worden; un dän Sän kjant sest kjeena aus de Voda; un dän Voda kjant sest kjeena aus de Sän, un wäm de Sän daut openboaren well. #Mat 28,18; Joh 3,35; 17,2; Flp 2,9

28Komt aula no mie, dee jie unja schwoare Lausten gonen un bedrekjt un meed sent, un ekj woa junt Ru jäwen. #Jer 31,25; Mat 12,20; 23,4 29Lajcht junt mien Joch opp un lieet von mie, wiels ekj sie saunftmootich un von Hoaten deemootich, un jie woaren Ru finjen fa june Seelen. #Jes 28,12; Jer 6,16 30Wiels mien Joch drekjt nich, un miene Laust es leicht. #Luk 11,46; 1Joh 5,3

Currently Selected:

Matäus 11: PB

Highlight

Copy