Hiob 39
39
1Weetst du wanea de wille Kosen äare junge haben?
Hast du jeseenen wan daut Ree een kjlienet haft?
2Weetst du woo lang dee daut junge droagen,
ooda to woone Tiet daut to Welt kjemt,
3wanea dee sikj hanlajen mott to de Jeburt,
un äare Weeen loos woat,
4woo äare junge stoakja woaren un waussen,
daut see wajchranen un sikj selfst weeten?
5Wäa haft de wille Äsels äare Frieheit jejäft,
daut dee doahan gonen kjennen wua see wellen,
6daut see oppe friee Stap Tus sent,
un opp daut Soltlaunt läwen kjennen?
7Dee bliewen wiet auf von daut Jetees enne Staut
un hieren kjeen Mensch opp an schrieen;
8dee waundren oppe Boaj un grosen,
wua see waut jreenet finjen.
9Jleefst du een willa Oss woat die waut halpen,
ooda eene Nacht bie diene Kjrebb bliewen?
10Kaust du däm een Säl opplajen
un kjliene Foaren moaken met däm,
ooda eene Äajd oppem Flekj schlapen?
11Kaust du die opp däm siene Krauft veloten,
daut du diene Oabeit woascht foadich kjrieen?
12Kaust du die doaropp veloten,
daut dee dän Woagen Jeträajd
vom Draschplauz no Hus brinjen woat?
13De Straushan schleit lostich met de Flichten,
oba kaun doch nich flieejen aus een Storch.
14De Straushan lajcht äare Eia oppe Ieed,
un lat dee von daut woame Saunt brooden;
15see denkjt nich doaraun, daut doa wäa kunn nopp staupen,
ooda een willet Tia dee kunn tweibräakjen.
16See es soo jlikjeltich äwa dee,
aus wan daut nich äare sent,
un äare Mieej fa nuscht wia,
17wiels Gott ar nich kluak jemoakt haft,
un kjeen Vestaunt jeef, aus hee dee muak.
18Oba wan dee oppjeräacht doavon rant,
dan lacht see Pieet un Ritta ut.
19Hast du daut Pieet met Krauft vesorcht,
ooda sien Kaum soo schmock jemoakt?
20Hast du daut Pieet moakt hupsen aus een Graushoppa,
ooda schnorchlen, soo daut Menschen sikj enjsten?
21Daut kleift de Ieed met Macht,
un rant mootich em Kaumf nenn.
22Onen Forcht veacht dee, dee aundre enjst,
un schrakjt nich trigj fa een Schwieet;
23siene Schajcht met Feilen rätat,
un de Spies un de Stang blenkjren biesied am.
24Wan de Posaun blost, kaun dee nich stelhoolen;
dee iewat un flicht väaren wajch.
25Dee rikjt dän Kaumf von wiet auf
un hieet dän Kommandaunt roopen;
jiedatsmol, wan de Posaun blost, schnorchelt dee.
26Hast du de Hofkje lieet flieejen,
un flicht dee wäajen die nom Sieden?
27Sajchst du dän Odla, woo huach hee flieejen saul,
un doa sien Nast oppbuen?
28Dee moakt siene Städ huach aun eenen Boajch,
un es sikj enne Nacht secha opp eene huage Kaunt.
29Von doa kjikjt dee, dee hee sikj jriepen kaun,
siene Uagen seenen daut von wiet auf.
30Wua een doodjet Tia licht, doa es hee,
un siene junge jielen no daut Bloot. #Hab 1,8; Mat 24,28
Woo kluak es een Mensch?
Currently Selected:
Hiob 39: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
