Hiob 35
35
Woo kjenn wie ons met Gott vejlikjen
1Elihu räd noch wada un säd:
2Kaust du jleewen, daut dit rajcht es?
Du sajchst, doa es kjeene Uasoak
daut Gott die bestrofen sull, #Hiob 32,2
3un doch frajchst du waut die daut jeholpen haft,
daut du nich jesindicht hast. #Hiob 34,9
4Ekj woa die un diene Frind
eene Auntwuat jäwen.
5Kjikj emol nopp enne Loft;
wooväl hecha sent de Wolkjen doch aus du.
6Wan du eene Sind bejeist,
waut moakt Gott daut ut? #Hiob 7,20
7Un wan du jerajcht best,
woo haft Gott daut waut jeholpen? #Hiob 22,2-3; Reema 11,35
8Dien schlajchtet, krakjt soo aus dien goodet doonen,
traft Menschen, soone aus du best.
9De Menschen kloagen, wan see schlemm utjenuzt woaren,
un wan groote Jewault aun an
utjeeeft woat, sieekjen see Help,
10oba kjeena frajcht: “Wua es Gott,
dee mie jemoakt haft,
un dee mie halpt wan daut schwoa jeit, #Apost 16,25
11dee ons kjlieekja moakt aus de Tieren,
un met mea Vestentnis aus de Väajel.”
12Wan Menschen uk kloagen,
kjemt doch kjeene Auntwuat von Gott,
wiels de stolte Menschen soo schlajcht sent.
13Gott auntwuat daut kloagen nich,
un sitt doa nich no, wan hee uk aule Macht haft. #Joh 9,31
14Woo woat hee dan no die horchen,
wan du am nich emol seenen kaust;
de Entscheidunk licht bie am,
un du motst doano wachten. #Hiob 23,8-9
15Un dan uk noch, Gott stroft
nich wiels hee veläajen es,
un moakt nich waut grootet, wan jesindicht woat. #Liera 8,11
16Hiob rät väl, waut nuscht enhelt,
un rät un rät met kjeen Vestentnis.
Currently Selected:
Hiob 35: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
