Hiob 17
17
Hiob prachat met dee waut am nich halpen
1Mie vejeit mien Odem, miene Tiet hia rant auf.
De Graufhoff es reed fa mie.
2Ekj weet ekj woa von runtom vespott,
ekj kjikj daut too, woo see grumsaujen.
3Du motst fa mie birjen, Gott,
wäa woat mie sest noch halpen? #Hiob 16,19
4Du hast an nich loten weis woaren,
un woascht an nich loten dän Siech haben.
5Dee wäa siene Frind oppjeft fa een Stekj Launt,
mott seenen woo siene Kjinja lieden.
6Hee haft mie loten vespott woaren,
see komen un spieen mie em Jesecht. #Hiob 30,9
7Miene Uagen sent en mienen Trua meist toojeschwollen,
ekj sie soo denn jeworden aus een Schauten.
8Wäa sikj jerajcht talt woat mie nich vestonen,
dee waut kjeene Schult haben, räajen sikj opp äwa dän gottloosen.
9Dee waut daut rajchte deit, woat bestonen bliewen,
un wäa oschuldich es, woat emma stoakja.
10Dreit junt wada häa un komt;
ekj woa mank junt nich eenen Weisen finjen.
11Miene Doag sent aufjerant;
waut ekj wull, haft nich jeschauft,
un ekj wensch mie nuscht mea.
12Mie woat jesajcht daut de Nacht de Dach es,
un daut daut Licht noda es aus daut dunkle.
13Wan ekj daut Grauf saul mien Tus moaken,
un mien Bad em diestren saul sennen,
14wan ekj to daut Grauf saul sajen: Du best mien Voda,
un to de Warm: Miene Mutta, ooda: Miene Sesta,
15waut es daut fa Hopninj fa mie,
un wäa jent mie noch irjent waut?
16Woat mien Troost gaunz stoawen?
Woat dee met mie toop en de Ieed vegonen?
Currently Selected:
Hiob 17: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
