Jeremia 47
47
Gott sien Wuat äwa de Filista
1Dit es de Norecht vom Harn, dee Jeremia äwa de Filista kjrieech, ea de ägiptischa Kjennich Gaza schluach.
2Dit es waut de Har sajcht:
Em Nuaden sticht daut Wota,
un woat een stoakja Stroom;
daut woat daut Launt bedakjen
un aules waut doabennen es.
De Städa un aul äare Menschen
woaren schrieen un truaren.
3Wan see de Heefta von de Pieed hieren,
un daut rätren von de Kjrichswoages
un klaupren von äare Räda,
woaren Elren sikj nich omkjikjen,
wua äare Kjinja bliewen;
soo machtloos schient an daut.
4De Dach kjemt, wan de Fient
äwa aule Filista omhäa jeit,
wan de latste Help fa Tierus
un Sidon wajchjenomen woat.
De Har woat de Filista enne Grunt brinjen,
met dee toop, waut en Kaftor biem Mäa jebläwen sent. #Amos 9,7
5En Gaza woaren see truaren,
un en Aschkelon woat daut stell woaren;
un dee waut em Tol jebläwen sent,
woo lang woaren dee sikj beschuljen un vewippen? #Jos 11,22; Jer 16,6; 48,37; Amos 1,6-7; Zef 2,4; Sach 9,5
6(Jie sajen aul:)
Woo lang woat daut noch sennen
bat däm Harn sien Schwieet stell woat?
Mucht daut doch stelhoolen un en siene Scheed gonen;
mucht daut doch ruich un stell woaren.
7(Un de Profeet sajcht:)
Woo kaun daut stell sennen,
wan de Har daut bestalt haft;
wan daut jäajen Aschkelon
un daut Launt aum Mäa jeschekjt es?
Currently Selected:
Jeremia 47: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
