Jeremia 45
45
Troost fa Baruch
1En daut vieede Joa aus Jojakim, Josia sien Sän, Kjennich en Juda wia, un Baruch dolschreef waut Jeremia am väasäd, velua Baruch sienen Moot. Un Jeremia säd am: #Jer 36,4 2De Har, dee aules rejieet, un Israel äa Gott es, haft waut to die to sajen, Baruch. 3Du weetst nich woo daut wieda gonen saul. Du meest de Har lat die uk noch dän Moot veschorren. Du bemieechst die bat opp daut latste, un finjst kjeenen Fräd. 4Dit es waut de Har to die sajcht: Horch emol, daut waut ekj jebut hab, riet ekj dol; un waut ekj jeplaunt hab, riet ekj ut. Soo doo ekj daut met daut Launt. 5Un jleefst du, die woat waut grootet tookomen? Daut brukst du nich jleewen. Kjikj doch waut fa eenen Schoden ekj opp aule Menschen brinj. Oba de Har sajcht: Eendoont wua du hanjeist, du woascht met dien Läwen doavon komen, soo aus een Schauz, dee em Kjrich veschoont blift. #Jer 39,18; 43,4-6
Currently Selected:
Jeremia 45: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
