Hebräa 3

Jesus es hecha aus Moses

1Doawäajen, heilje Breeda, dee jie uk met ons vom Himmel häa jewält sent, kjikjt opp Jesus, dän Apostel un Huagenpriesta, dän wie bekjanen. #Heb 4,14 2Hee wia Gott tru, dee am enjesat haud, soo aus uk Moses Gott en sien gaunzet Hus #3,2 Eenje oole Schreften sajen en sien Hus. tru wia. #4Mo 12,7 3Jesus traft oba jratre Iea aus Moses, soo aus däm Bumeista von een Hus jratre Iea traft aus daut Hus selfst. 4Aule Hiesa woaren von wäm jebut. Oba dee, dee aules but, es Gott. 5Moses wia woll een trua Deena von Gott mank sienem gaunzen Volkj. Daut wia aus een Tieekjen fa daut, waut noch eemol sull jesajcht woaren. 6Oba Christus wia aus Sän tru äwa Gott sien #3,6 Eenje oole Schreften sajen äwa sien. Hus. Daut Hus sent wie, wan wie daut vetruen un de Freid aun onse Hopninj fausthoolen. #Efs 2,19; 1Pet 2,5

De Ru von Gott fa sien Volkj

7Soo aus de Heilja Jeist sajcht:

“Vondoag, wan jie siene Stemm hieren woaren, #Psa 95,7-11; Heb 4,7

8vehoat june Hoaten nich,

soo aus daut passieed, aus see mie en de Wiltnis vesochten,

aus see mie soo jäajenaun wieren. #2Mo 17,7; 4Mo 20,2-5

9June Vodasch vesochten mie un stalden mie opp de Proow,

un hauden doch 40 Joa jeseenen, waut ekj fa an deed.

10Doawäajen wort ekj bossich äwa dit Volkj un säd:

Emma erren see en äa Hoat, un see vestonen miene Wäaj nich.

11Soo schwua ekj en mienem Oaja:

See sellen nich en miene Ru nenn komen.” #4Mo 14,21-23; Heb 4,3

12Seet junt väa, Breeda, daut kjeena von junt een beeset un nich jleewendet Hoat haft, daut von däm läwendjen Gott aufkjemt. 13Rät junt unjarenaunda aule Dach Moot too, soolang aus daut noch “vondoag” heet, daut sikj von junt kjeena derch de aunschmäarende Sind hoat moaken lat. #1Tess 5,11 14Wie jehieren gaunz werkjlich to Christus, wan wie daut vetruen von Aunfank bat Enj fausthoolen. #Heb 6,11 15Soo aus jesajcht es:

“Vondoag, wan jie siene Stemm hieren, dan vehoat june Hoaten nich,

soo aus don, aus see mie vesochten.”

Wäajen nich jleewen buten jebläwen

16Wäa wieren dee, dee doa jehieet hauden un doch jäajenaun wieren? Wieren daut nich aules soone, dee met Moses ut Ägipten rut jetrocken wieren? 17Un äwa wäm must Gott sikj 40 Joa oajren? Wia daut nich äwa dee, dee doa sindijden, un doot en de Wiltnis ligjen bleewen? #4Mo 14,29; 1Kor 10,10 18Un wäm sest deed Gott met eenem Eit vespräakjen, daut see nich en siene Ru nenn komen wudden, aus dee, dee onjehuarsom wieren? 19Soo see wie, daut dee nich doa nenkomen kunnen, wiels see nich jleewden.

Currently Selected:

Hebräa 3: PB

Highlight

Copy

Compare